Фон для радио  - Sputnik Արմենիա
ՌԱԴԻՈ

Հովհաննիսյան. «Ադրբեջանը շարունակում է նույն քաղաքականությունը` հերոսացնելով մարդասպանին»

© Sputnik / Hayk PetrosyanТарон Ованнисян
Тарон Ованнисян - Sputnik Արմենիա
«Օրբելի» վերլուծական կենտրոնի փորձագետ Տարոն Հովհաննիսյանն անդրադարձել է ՀՀ վարչապետ Նիկոլ Փաշինյանի` Ղարաբաղյան հակամարտության կարգավորմանն առնչվող տեսակետներին։
Հովհաննիսյան. «Ադրբեջանը շարունակում է նույն քաղաքականությունը` հերոսացնելով մարդասպաններին»

ՀՀ վարչապետ Նիկոլ Փաշինյանն իր բանաձևով բացատրեց տարաձայնություններ առաջացրած հայտարարությունը, որ Արցախը Հայաստան է, և վերջ։ Sptutnik Արմենիայի հետ զրույցում այս տեսակետը հայտնեց «Օրբելի» վերլուծական կենտրոնի փորձագետ Տարոն Հովհաննիսյանը` անդրադառնալով վարչապետի վերջին հայտարարություններին։

Հովհաննիսյանը հայտարարություններից առանձնացրեց այն մասը, որով արձանագրվում է, որ Արցախի վրա Ադրբեջանի հարձակումը կընկալվի և կընդունվի որպես հարձակում Հայաստանի վրա, հետևաբար կստանա համարժեք պատասխան։

«Նիկոլ Փաշինյանն, ըստ էության, ցանկացավ, որ բոլորը հասկանան` Արցախի անվտանգությունը չի կարող տարանջատվել Հայաստանի անվտանգությունից»,– նշեց փորձագետը։

Բացի դրանից, Հովհաննիսյանը կարևորեց այն մեկնաբանությունը, որն առնչվում էր Ռամիլ Սաֆարովին։ Ըստ փորձագետի` եթե հաշվի առնենք, որ փետրվարի 19-ին լրանում է հայ սպա Գուրգեն Մարգարյանի սպանության 16-րդ տարելիցը, ապա շատ կարևոր է երևույթի ընդգծումն ու այդ ամենին անդրադառնալը։

Совместное выступление премьер-министра Армении Никола Пашиняна и президента Азербайджана Ильхама Алиева (15 февраля 2020). Мюнхен - Sputnik Արմենիա
Փաշինյանն Ալիևին տեղը դրեց` հիշեցնելով, թե երբ է Ադրբեջանը հայտնվել քարտեզի վրա

«Մարդասպան Սաֆարովին հերոսացնելը հակամարտության հիմնական էության մի մասն է։ Խնդիրը մեծ հաշվով Արցախի անվտանգությանը սպառնացող վտանգն է, և այդ մասին հայտարարությունն օդից վերցրած չէ, իրական է, որովհետև Ադրբեջանն այսօր էլ շարունակում է նույն քաղաքականությունը` հերոսացնելով մարդասպաններին, ստեղծելով կերպարներ, որոնց պետք է հետևի իրենց հասարակությունը»,– նշեց փորձագետը։

Հովհաննիսյանի խոսքով` կարևոր է, որ Փաշինյանի ուղերձը հասնի միջազգային հանրությանը, որ մեր խնդիրը հակամարտության շրջանակներում ոչ թե տարածքների, այլ մարդկանց անվտանգության հարցն է, հետևաբար Արցախը երբեք չի զիջի իր անվտանգությունը, իսկ Հայաստանն իր հերթին հանդես է գալիս որպես Արցախի անվտանգության երաշխավոր։

Նշենք, որ Փաշինյանը վերոնշյալ թեմաներով խոսել էր Գերմանիայում` Ֆրիդրիխ Էբերթ հիմնադրամում` պատասխանելով Բեռլինում ադրբեջանցիների համայնքի ներկայացուցիչների հարցերին։

Պաշտոնական Երևանը չի ընդդիմանում Արցախի ադրբեջանական համայնքի գործոնին. Մելիք–Շահնազարյան

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала