«Օլիմպիադայից հետո 2-իդ էլ կամուսնացնենք». Գյումրու քաղաքապետն ընդունեց հաղթած ըմբիշներին

© Sputnik / Armenuhi MkhoyanАртур Алексанян (слева) и Карапет Чалян (в середине) в мэрии города Гюмри (17 февраля 2020).
Артур Алексанян (слева) и Карапет Чалян (в середине) в мэрии города Гюмри (17 февраля 2020).  - Sputnik Արմենիա
Բաժանորդագրվեք
Գյումրու քաղաքապետի ընդունելությունից հետո Արթուր Ալեքսանյանն անդրադարձավ նաև Հռոմում իր հաղթանակից հետո թուրք ըմբշամարտիկի երկրպագուների պահվածքին։

ԵՐԵՎԱՆ, 17 փետրվարի — Sputnik, Արմենուհի Մխոյան. Ավանդույթի համաձայն` Գյումրու քաղաքապետ Սամվել Բալասանյանն իր աշխատասենյակում այսօր ընդունեց Հռոմից հաղթանակով վերադարձած Եվրոպայի հնգակի չեմպիոն Արթուր Ալեքսանյանին, բրոնզե մեդալակիր Կարապետ Չալյանին ու նրանց մարզիչներին։  Քաղաքապետը շնորհակալություն հայտնեց այն դրական պահերի համար, որ մարզիկները պարգևեցին հայ ժողովրդին: «Ալեքսանյանի դեմքին այս անգամ մտահոգություն նկատեցի, իսկ Չալյանը շտապում էր, ու՞ր էիր շտապում»,–հարցրեց Բալասանյանը:

Артур Алексанян празднует победу над Николозом Нахелашвили (Италия) в финальном поединке Чемпионата Европы по греко-римской борьбе (12 февраля 2020). Рим - Sputnik Արմենիա
«Չեմպիոն, միշտ առաջ». «Սպիտակ արջը» շնորհակալություն է հայտնել երկրպագուներին. լուսանկար

Պարզվում է՝ Չալյանը շտապում էր չեմպիոն դառնալ, իսկ Արթուրի մտահոգությունն օլիմպիադայից առաջ վնասվածք չստանալն էր: Քաղաքապետը, կարևորելով օլիմպիական տարին, վստահեցրեց, որ Գյումրին, ինչպես միշտ, այս անգամ էլ ցանկացած հարցով կլինի իր մարզիկների կողքին:

«Հիմա պետք է լավ պարապեք, մեդալներ բերեք։ Օլիմպիադայից հետո երկուսիդ էլ ամուսնացնել է պետք»,- վստահ նշեց նա:

Տեղեկանալով, որ մրցման ժամանակ Արթուրի մոտ արյան ճնշման խնդիր է նկատվել՝ Բալասանյանը նշեց, որ իրենց ճնշումն էր բարձրացել, ուր մնաց մարզիկներինը չբարձրանար։ Գյումրու փոխքաղաքապետ Ռուբեն Սանոյանն էլ անկեղծացավ. «Շատ ուրախ ենք: Իրենց հետ հավասար չէ, բայց պակաս չտանջվեցինք: Հակածխախոտային օրենքն ընդունվեց, բայց ձեր մրցումների ժամանակ 1 տուփ սիգարետ ծխեցի: Ապրի՛ ձեր արևը, որ մեզ սևերես չարեցիք»:

Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով

Բալասանյանը հույս հայտնեց, որ շուտով պատրաստ կլինի Արթուր Ալեքսանյանի անվան մարզադպրոցի նոր շենքը։ Հանդիպման ավարտին մարզիկներն ու մարզիչները Աստվածաշունչ ստացան քաղաքապետից: «Անցած անգամ Նարեկ ենք նվիրել, այս անգամ` Աստվածաշունչ, որ միշտ ձեզ հետ լինեն որպես պահապան»,- ասաց քաղաքապետը:

© Sputnik / Armenuhi Mkhoyan Գյումրու քաղաքապետն ընդունեց հաղթած ըմբիշներին
«Օլիմպիադայից հետո 2-իդ էլ կամուսնացնենք». Գյումրու քաղաքապետն ընդունեց հաղթած ըմբիշներին - Sputnik Արմենիա
Գյումրու քաղաքապետն ընդունեց հաղթած ըմբիշներին

Մարզիկներն ու մարզիչները շնորհակալություն հայտնեցին քաղաքապետին` կարևորելով այն հանգամանքը, որ իրենք միշտ զգում են քաղաքային իշխանությունների աջակցությունը:

Борцы Курбан Шираев (Россия) и Эрик Арушанян (Украина) в полуфинальном поединке Чемпионата Европы по вольной борьбе (14 февраля 2020). Рим - Sputnik Արմենիա
Մեր ըմբիշներից 5–ը Հռոմից մեդալ բերելու ռեալ հնարավորություն ունեն. 2–րդ օրվա արդյունքները

Հանդիպման ավարտից հետո լրագրողների հետ ճեպազրույցի ժամանակ Արթուր Ալեքսանյանն ու Կարապետ Չալյանը վստահեցին, որ կանեն ամեն ինչ օլիմպիադային նորմալ պատրաստվելու համար: Խոսելով ամուսնության առաջարկի մասին` Արթուր Ալեքսանյանն անկեղծացավ. «Դեռ չեմ մտածել ամուսնանալու մասին, հիմա ժամանակ էլ չկա, նոր եմ վերադարձել, իսկ 4 օրից հետո կրկին հավաք է: Տեսնենք` օլիմպիական խաղերը վերջանան, ավելի շատ ժամանակ կունենամ մտածելու»,-ասաց Արթուրը:

Sputnik Արմենիայի առաջարկով Արթուրն անդրադարձավ նաև թուրք ըմբշամարտիկի երկրպագուների պահվածքին՝ հաղթական պատվոհարթակում հայկական դրոշին մեջքով կանգնելու հետ կապված:

«Այդ ժամանակ ես չեմ տեսել, ինձ հետո ասացին։ Եթե նույնիսկ նրանք մեջքով են կանգնել մեր դրոշին, բայց հո՞ հայոց հիմնը լսել են: Իմ հակառակորդ թուրք մարզիկն ավելի շատ Հայաստանի հիմն է լսել, քան Թուրքիայի: Այնպես որ նրանց մեջքով շրջվելը հեչ կարևոր չէ»,- նշեց Արթուր Ալեքսանյանը` տեղեկացնելով, որ դահլիճում շատ են եղել հայ երկրպագուները, այդ թվում նաև՝ Հենրիխ Մխիթարյանը, ինչը իրեն ավելի է ոգևորել:

Ինչպես հասան հաղթանակի. հայ ըմբիշները պատմել են գոտեմարտերի մասին. տեսանյութ

Հռոմում կայացած Եվրոպայի առաջնությանը Հայաստանը ներկայացնող հունահռոմեական ոճի ըմբշիները նվաճեցին 4 մեդալ՝ 2 ոսկե և 2 բրոնզե:

© Sputnik / Armenuhi MkhoyanԱրթուր Ալեքսանյան
«Օլիմպիադայից հետո 2-իդ էլ կամուսնացնենք». Գյումրու քաղաքապետն ընդունեց հաղթած ըմբիշներին - Sputnik Արմենիա
Արթուր Ալեքսանյան

Եվրոպայի առաջնությունում Արթուր Ալեքսանյանը 1/8 եզրափակիչում 5:1 հաշվով հաղթեց թուրք Չենկ Իլդեմին, քառորդ եզրափակիչում հայ ըմբիշը ժամանակից շուտ՝ 9:0 հաշվով պարտության մատնեց բուլղարացի Կիրիլ Միլովին, իսկ կիսաեզրափակիչում «Սպիտակ արջն» իր առավելությունը ֆինն Մատտի Կուսմանենի նկատմամբ արտահայտեց 8:1 հաշվով:

Հունահռոմեական ոճի ըմբիշ Կարապետ Չալյանը Եվրոպայի առաջնությունում դարձավ բրոնզե մեդալակիր` 3։0 հաշվով հաղթելով Բուլղարիան ներկայացնող մեր հայրենակից Հայկ Մնացականյանին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала