Սերժ Սարգսյանի թիկնազորի նախկին պետի ու նրա կնոջ վերաբերյալ քրգործը կարճվել է

© Press office of the SNS of RAВачаган Казарян
Вачаган Казарян - Sputnik Արմենիա
Բաժանորդագրվեք
Yandex newsTelegram
Հատուկ քննչական ծառայությունը բացատրել է, թե ինչու է կարճվել երրորդ նախագահի թիկնազորի պետի վերաբերյալ քրեական գործը։

ԵՐԵՎԱՆ, 17 փետրվարի – Sputnik. ՀՀ հատուկ քննչական ծառայությունում (ՀՔԾ) Վաչագան Ղազարյանի և նրա կնոջ` Ռուզաննա Բեգլարյանի վերաբերյալ քրեական գործը կարճվել է։

Александр Саргсян - Sputnik Արմենիա
Սերժ Սարգսյանի եղբայրը կհարցաքննվի՞. պատասխանում է Շիրակի դատախազը

ՀՔԾ–ն հայտնում է, որ նախաքննությամբ ձեռք բերված ապացույցներով և նշանակված համալիր հարկային ստուգումներով հաստատվել է, որ նշված անձինք կազմակերպել են իրենց հետ որևէ կերպ առնչություն ունեցող 7 ՍՊԸ-ների կողմից խոշոր և առանձնապես խոշոր չափերով հարկերի չվճարումը, որոնց կատարմանը ներգրավել են տարբեր անձանց: Այսինքն` հիմնավորվել է Վաչագան Ղազարյանի կողմից ՀՀ քրեական օրենսգրքի 38-205-րդ հոդվածի 1-ին և 2-րդ մասերով, իսկ Ռ. Բեգլարյանի կողմից` 38-205-րդ հոդվածի 2-րդ և 205-րդ հոդվածի 1-ին մասերով նախատեսված հանցավոր արարքների կատարումը, ինչպես նաև 6 այլ անձանց կողմից նշված հոդվածներով հանցավոր արարքների կատարման հանգամանքը:

Նախաքննության ընթացքում Վ. Ղազարյանն ու Ռ. Բեգլարյանը պետական բյուջե են փոխանցել չվճարված հարկերի գումարն ամբողջությամբ` ընդհանուր 2,837 մլրդ ՀՀ դրամ` այդպիսով ամբողջությամբ հատուցելով հանցագործությամբ պետությանը պատճառված վնասը:

Նկատի ունենալով, որ ՀՀ քրեական օրենսգրքի 189-րդ հոդվածի 5-րդ մասի համաձայն` նույն օրենսգրքի 205-րդ հոդվածով նախատեսված արարքները կատարած անձն ազատվում է քրեական պատասխանատվությունից, եթե նա հատուցում է հանցագործությամբ պատճառված վնասը և հաշվարկված տույժերն ու տուգանքները, ինչը օրենքի իմպերատիվ պահանջ է, ուստի օրենքով սահմանված կարգով քննիչի կողմից որոշում է կայացվել Վ. Ղազարյանին, Ռ. Բեգլարյանին և մյուսներին քրեական պատասխանատվությունից ազատելու և նրանց վերաբերյալ քրեական գործով վարույթը կարճելու մասին:

Վաչագան Ղազարյանն ազատ էր արձակվել 50 միլիոն դրամ գրավի դիմաց։

Հիշեցնենք` փետրվարի 13-ին ՀՔԾ–ն հայտնել էր, որ կարճվել է նաև Սերժ Սարգսյանի թիկնազորի նախկին պետի 40 մլն դրամ շորթելու գործը։

Սերժ Սարգսյանի թիկնազորի նախկին պետը վերականգնել է պետությանը պատճառած վնասը

Լրահոս
0