ԵՐԵՎԱՆ, 23 փետրվարի — Sputnik. Իրանի ՀՀ դեսպանության Facebook–յան էջը հայտնում է, որ Իրանի Իսլամական Հանրապետությունում Հայաստանի Հանրապետության դեսպանությունը ժամանակավորապես դադարեցնում է հյուպատոսական բաժնի աշխատանքը։
«Իրանի Իսլամական Հանրապետությունում Հայաստանի Հանրապետության դեսպանությունը տեղեկացնում է, որ սկսած 2020 թ. փետրվարի 23-ից ժամանակավորապես դադարեցվում է հյուպատոսական բաժնի աշխատանքը՝ քաղաքացիների հերթագրումը և ընդունելությունը: Դեսպանությունը հայցում է քաղաքացիների ներողամտությունը պատճառված անհարմարությունների համար»,–նշված է հաղորդագրության մեջ:
Հյուպատոսական բաժնի աշխատանքի վերսկսման վերաբերյալ ՀՀ դեսպանությունը լրացուցիչ տեղեկություն կտրամադրի։
Հիշեցնենք, որ Իրանի իշխանություններն արդեն իսկ հայտարարել են կորոնավիրուսի հայտնաբերման 28 դեպքի մասին, որի հետևանքով մահացությունների թիվը հասել է հինգի:
Իրանում կրկին ուժգին երկրաշարժ է գրանցվել
ՀՀ առողջապահական և աշխատանքի տեսչական մարմնի ղեկավար Հակոբ Ավագյանի հանձնարարությամբ աշխատանքային խումբ է ուղարկվել Մեղրիի բժշկական կենտրոն, հայ-իրանական սահմանի անցակետում ուժեղացնելու անվտանգությունը, որպեսզի կասկածելի դեպքերում հնարավոր լինի անհապաղ մեկուսացնել հնարավոր վարակվածին։ Հայաստանում դեռ ոչ ոքի մոտ վտանգավոր վարակի նշաններ չեն հայտնաբերվել:
