Տիգրան Քեյանը կարծում է, որ ավտոկայանատեղիների հարցը կարելի է լուծել միայն նորերը կառուցելով։ Ըստ նրա` Երևանում կան մի շարք հատվածներ, որտեղ արգելվում է կայանումը, բայց տարածքները պետք է ուսումնասիրվեն, և որոշումները պետք է վերանայվեն այն հատվածների համար, որտեղ կայանումը խոչընդոտ չի հարուցում կայանում իրականացնելու համար, սակայն արգելված է։
«Մենք արդեն նշել ենք, որ հիմնական կառույցները, որտեղ մարդկանց հոսքն ավելի շատ է, պետք է տեղափոխվեն։ Կամ էլ քաղաքապետարանը դիմումների ընդունման, հարցերի պատասխանների տրամադրման այլ միջոցներ ձեռնարկի, որ քաղաքացին նույն դիմումները կարողանա հանձնել հենց իր վարչական շրջանում։ Այսինքն` պետք է այնպես անել, որ հոսքը դեպի քաղաքի կենտրոն լինի հնարավորինս քիչ»,–նշում է «Վարորդի ընկեր» ՀԿ–ի նախագահը։
Քեյանի համոզմամբ` հարցի լուծում կարող է լինել նաև քաղաքային լավ տրանսպորտի առկայությունը, որովհետև այդ դեպքում շատերը կհրաժարվեն իրենց մեքենաներով դեպի կենտրոն երթևեկելուց։ «Վարորդի ընկեր» ՀԿ նախագահն իրատեսական չի համարում մայրաքաղաքի կենտրոնում վերգետնյա, առանձին շենքերի տեսքով կայանատեղիների կառուցումը, որովհետև ազատ տարածքներ գրեթե չկան։
Ըստ Քեյանի` թեև ստորգետնյա կայանատեղիները շատ ծախսատար են, սակայն հնարավորության դեպքում նախընտրում են հենց այդ տարբերակը։
Անդրադառնալով կարմիր գծերի հետ կապված խնդրին` Քեյանը նշում է, որ իրենք աշխատում են հարցին առնչվող նախագծի վրա, և ավարտական փուլից հետո խնդրով զբաղվող ԱԺ իշխող խմբակցության պատգամավորն այն կհրապարակի` իրականացնելով հանրային լսումներ։
«Զվարթնոց» օդանավակայանում կայանատեղին կթանկանա, սակայն ոչ բոլորի համար
Քաղաքացիների բողոքներն ամբողջությամբ հաշվի են առնվել, մնացածները կքննարկվեն լսումների ժամանակ։
«Վարորդի ընկեր» ՀԿ նախագահի տեղեկացմամբ` նոր օրինագծի համաձայն` շատ տեղերից կարմիր գծերը կվերանան, կմնան միայն խնդրահարույց հատվածներում, որտեղ կան կայանման լուրջ խնդիրներ։
Երևանյան առևտրի կենտրոնի կայանատեղում «դրիֆտ» անողին հայտնաբերել են. տեսանյութ
