«Տարօրինակ է, որ չեք մնացել Հայաստանում». Դել Պիերոյի և Ուրգանտի զվարճալի զրույցը

© YouTube / Вечерний УргантАлессандро Дель Пьеро в программе "Вечерний Ургант"
Алессандро Дель Пьеро в программе Вечерний Ургант  - Sputnik Արմենիա
Հանրահայտ հաղորդավարի հետ զրույցում լեգենդար Դել Պիերոն ասել է, որ Հայաստանում իրեն շատ լավ են ընդունել։

ԵՐԵՎԱՆ, 29 փետրվարի – Sputnik. Իտալացի լեգենդար ֆուտբոլիստ, աշխարհի չեմպիոն Ալեսանդրո Դել Պիերոն ռուսական «Առաջին ալիքով» հեռարձակվող «Երեկոյան Ուրգանտ» հաղորդման ժամանակ պատմեց իր երևանյան այցի մասին:

Алессандро Дель Пьеро - Sputnik Արմենիա
Նախաճաշ Արարատի «հետ» և ՌԴ–ի վիզա. ինչու էր Դել Պիերոն եկել Երևան

Դել Պիերոն, շնորհակալություն հայտնելով տաղավար եկած երկրպագուներին, ասաց, որ միշտ հետաքրքիր է հայտնվել մի երկրում, որը տարբերվում է քոնինից։

Ուրգանտը ֆուտբոլիստին հարցրեց` իսկապե՞ս դժվարություններ են առաջացել կորոնավիրուսի հետ կապված կարանտինի պատճառով, քանի որ նրա ուղևորությունը մի ամբողջ դետեկտիվի է վերածվել։

Ֆուտբոլիստն էլ պատմեց, որ իրեն Ռուսաստանի վիզա է պետք եղել, որը պետք է ստանար Միլանում գտնվող Ռուսաստանի դեսպանատանը, բայց քանի որ Միլանում կորոնավիրուսի դեպքեր են գրանցվել, որոշվել է մուտքի արտոնագիրը ստանալ Երևանում։

«Եվ ես հիանալի ճանապարհորդություն կատարեցի այդ վիզան ստանալու համար: Մեկնեցի Հայաստան», - ասաց Դել Պիերոն։

Տաղավարում հիացական բացականչություններ ու ծափահարություններ հնչեցին։

Դել Պիերոն շեշտեց, որ Հայաստանում իրեն շատ լավ են ընդունել, բոլորը շատ սիրալիր են եղել ։
«Այո, նրանք կարողանում են։ Տարօրինակ է, որ դուք ընդհանրապես եկել եք մեզ մոտ, կարող էիք մնալ Հայաստանում»,– կատակեց Ուրգանտը։

Դել Պիերոյի և Ուրգանտի զրույցի ընթացքում հանդիսատեսին զվարճացրեց ևս մի «հայկական» ռեպլիկ։ Հաղորդավարը նրան լուսանկար ցույց տվեց ՝ հումորային հարցեր տալով, իսկ ֆուտբոլիստն այդ ընթացքում իր համաձայնությունը հայտնեց` «ըհը» ասելով։

«Ինձ թվում է` այդ արտահայտությունը դուք Երևանից եք բերել», - կրկին կատակեց Ուրգանտը։

Հիշեցնենք` Ալեսանդրո Դել Պիերոն օրերս Հայաստան էր եկել։ Նրա` Երևան գալու լուրը տարածվել էր, երբ ֆուտբոլիստը Instagram-ի իր էջի «սթորի» բաժնում տեսանյութ էր հրապարակել ու կից գրել. «Բարի լույս, Երևան»:

Մարզական մեկնաբան Նոբել Առուստամյանը նրա այցից հետո Sputnik Արմենիային հայտնել էր, որ Դել Պիերոն շատ է գնահատել Արարատ լեռը։

Ես հարուստ հրեա էի, իսկ նա` աղքատ հայ․ Ուրգանտի հյուրերը Մարտիրոսյան ամուսիններն են

Նշենք, որ Ալեսանդրո դել Պիերոն Իտալիայի հավաքականի կազմում 2006 թվականին դարձել է աշխարհի չեմպիոն: Իտալիայի հավաքականի կազմում նա հանդես է եկել 1995-2008 թվականներին: Դել Պիերոն Իտալիայի հավաքականի բոլոր ժամանակների երրորդ ռմբարկուն է՝ 335 գոլով: Նա 19 տարի խաղացել է «Յուվենտուսում», 11 տարի եղել է թիմի ավագը և սահմանել է ռեկորդ՝ 705 խաղում խփելով 290 գոլ։

«Եթե ղեկավարում ես 100 հայի, քեզ համար այլևս ոչինչ սարսափելի չէ». Գերգիևը` Ուրգանտի մոտ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала
Միջազգային
InternationalEnglishԱնգլերենMundoEspañolԻսպաներեն
Եվրոպա
DeutschlandDeutschԳերմաներենFranceFrançaisՖրանսերենΕλλάδαΕλληνικάՀունարենItaliaItalianoԻտալերենČeská republikaČeštinaՉեխերենPolskaPolskiԼեհերենСрбиjаСрпскиՍերբերենLatvijaLatviešuԼատիշերենLietuvaLietuviųԼիտվերենMoldovaMoldoveneascăՄոլդովերենБеларусьБеларускiԲելառուսերեն
Հարավային Կովկաս
ԱրմենիաՀայերենՀայերենАҧсныАҧсышәалаԱբխազերենХуссар ИрыстонИронауՕսերենსაქართველოქართულიՎրացերենAzərbaycanАzərbaycancaԱդրբեջաներեն
Մերձավոր Արևելք
Sputnik عربيArabicԱրաբերենTürkiyeTürkçeԹուրքերենSputnik ایرانPersianՊարսկերենSputnik افغانستانDariԴարի
Կենտրոնական Ասիա
ҚазақстанҚазақ тіліՂազախերենКыргызстанКыргызчаՂրղզերենOʻzbekistonЎзбекчаՈւզբեկերենТоҷикистонТоҷикӣՏաջիկերեն
Արևելյան և Հարավարևելյան Ասիա
Việt NamTiếng ViệtՎիետնամերեն日本日本語Ճապոներեն俄罗斯卫星通讯社中文(简体)Չինարեն (պարզեցված)俄罗斯卫星通讯社中文(繁体)Չինարեն (ավանդական)
Հարավային Ամերիկա
BrasilPortuguêsՊորտուգալերեն