«Կորոնավիրուսը շատ վարակիչ չէ». եթե ամեն ինչ շարունակվի այս հունով, դասերը կսկսվեն

© Sputnik / Asatur Yesayants / Министры здравоохранения Арсен Торосян и науки и образования Араик Арутюнян на церемонии выдачи дипломов выпускникам военных вузов (25 июля 2018). Еревaн
Министры здравоохранения Арсен Торосян и науки и образования Араик Арутюнян на церемонии выдачи дипломов выпускникам военных вузов (25 июля 2018). Еревaн - Sputnik Արմենիա
Բաժանորդագրվեք
НовостиTelegram
Արսեն Թորոսյանը վստահեցնում է` հանրապետությունը կարող է ապրել իր բնականոն հունով, քանի որ կորոնավիրուսի հետ կապված արտառոց իրավիճակ չկա։

ԵՐԵՎԱՆ, 5 մարտի — Sputnik. ՀՀ առողջապահության նախարար Արսեն Թորոսյանը կառավարության նիստի մեկնարկից առաջ հայտնեց, որ կորոնավիրուսով վարակված 29-ամյա տղամարդու կնոջը երեկ կրկին կորոնավիրուսի ախտորոշման թեստ են արել, և պատասխանը բացասական է եղել։

Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան։ 29-ամյա տղամարդն Իրանից Հայաստան է ժամանել փետրվարի 28-ին:

«Ծաղկաձորում մեկուսացված վարակված տղամարդը, ինչպես նրա հետ շփված կամ նրա մոտ գտնվող 31 մեկուսացվածներն իրենց լավ են զգում։ Ստացվում է` կորոնավիրուսը շատ վարակիչ չէ, և հնարավոր է համատեղ ապրողներից մեկի մոտ այն առկա լինի, մյուսի մոտ` ոչ»,–ասաց Թորոսյանը։

Նրա խոսքով` Ծաղկաձորում մեկուսացվածներն ապահոված են ամեն ինչով` գրքերով, ինտերնետով, հեռուստացույցով։ Թորոսյանը վստահեցրեց` հանրապետությունը կարող է ապրել իր բնականոն հունով։

Արսեն Թորոսյանի խորհուրդը ընդունված է, բայց ինչպես ասում են ԵԼՔ ԿԱ - Sputnik Արմենիա
Հայերը ծիծաղում են կորոնավիրուսի վրա ու ոտքով հրաժեշտ տալիս միմյանց. զվարճալի տեսանյութ

Նախարարը հայտնեց նաև, որ այս ընթացքում կորոնավիրուսի ախտորոշման 162 թեստ է արվել, բոլորը բացասական են եղել, բացի մեկից։ Եթե ամեն ինչ այս հունով գնա, ըստ Թորոսյանի, երկու շաբաթ հետո կարող են անդրադառնալ հարևան երկրների հետ սահմանափակումների վերանայմանը։

Խաշն ու խունկը մեզ պահապա՞ն. ինչ է փոխել կորոնավիրուսը երևանցիների կյանքում

ՀՀ էկոնոմիկայի նախարար Տիգրան Խաչատրյանն էլ հայտնեց` ստուգման նպատակով հայ–վրացական սահմանին կուտակված 20-30 բեռնատար մեքենաներն այսօր կկարողանան հատել սահմանը։

«Հոտոտել սխտորը». 7–ամյա հայ աղջնակը «գտել» է կորոնավիրուսի դեմ պայքարի ձևը. տեսանյութ

Կրթության, գիտության, մշակույթի և սպորտի նախարար Արայիկ Հարությունյանի խոսքով էլ` հատուկ ցուցումներ չունենք դասերը չսկսելու, և եթե իրավիճակը մնա այնպես, ինչպես հիմա է, երկուշաբթիից կսկսեն դասերը։

Հիշեցնենք, որ մարտի 2–ից մեկ շաբաթով հետաձգվել էին դասերը` կորոնավիրուսի տարածման կանխարգելման նպատակով։

Լրահոս
0