Կորոնավիրուսով վարակվածների հետ շփվածներից 10-ին մեկուսացրել են «Գոլդեն փելեսում»

© Photo / official site of the Prime minister of RAИ.о. министра здравоохранения Арсен Торосян на заседании Правительства (15 ноября 2018). Еревaн
И.о. министра здравоохранения Арсен Торосян на заседании Правительства (15 ноября 2018). Еревaн - Sputnik Արմենիա
Բաժանորդագրվեք
НовостиTelegram
ՀՀ առողջապահության նախարար Արսեն Թորոսյանը կորոնավիրուսի նոր դեպքերի վերաբերյալ մանրամասներ հայտնեց կառավարությունում։

ԵՐԵՎԱՆ, 12 մարտի – Sputnik. Կառավարության նիստի մեկնարկից առաջ ՀՀ առողջապահության նախարար Արսեն Թորոսյանը հայտնեց, որ կորոնավիրուսով վարակված երեք անձանց հետ շփված անձանցից 10–ը մեկուսացվել են Ծաղկաձորում` «Գոլդեն փելես» հյուրանոցում, սակայն  հնարավոր է` օրվա ընթացքում էլի մեկուսացումներ լինեն հատուկ պահման վայրում։

Мэр города Эчмиадзина Диана Гаспарян - Sputnik Արմենիա
Էջմիածնի քաղաքապետը հաստատեց` կորոնավիրուսով վարակվածներից մեկն իրենց քաղաքի բնակիչ է

«Այս պահին ունենք կորոնավիրուսով վարակման հաստատված 4 դեպք։ Երեքն այս պահին ախտանիշներ չունեն, չնայած դիմելու պահին ունեցել են գանգատներ։ Նրանցից մեկն ունի թոքաբորբ և գանգատներ»,–ասաց նախարարը։

Նրա խոսքով` երեք պացիենտներն էլ ժամանել են Իտալիայից, ժամանման պահին գանգատներ չեն ունեցել, սակայն գանգատներ ի հայտ գալուն պես հոսպիտալացվել են։

Թորոսյանը հայտնեց` վարակվածների հետ շփված անձինք նաև տներում են մեկուսանում։

ՀՀ փոխվարչապետ Տիգրան Ավինյանն էլ հայտնեց, որ կիրակի Հռոմից Երևան թռիչք կլինի, և ՀՀ քաղաքացիները կարող են հայրենիք վերադառնալ։

Հիշեցնենք` երեկ ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են, (45 և 27 տարեկան) մեկը՝ Իտալիայի (51 տարեկան), որն աշխատում Է Հայաստանում։ Երեքն էլ ժամանել են Իտալիայից:

Ավելի ուշ առողջապահության նախարար Արսեն Թորոսյանը Facebook–յան ուղիղ եթերում վստահեցրեց, որ Հայաստանում կորոնավիրուսի լոկալ տարածում չկա, նոր հայտնաբերված 3 պացիենտների դեպքում վարակը ձեռքբերովի է, իրավիճակը մնում է կառավարելի։

Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան է ժամանել փետրվարի 28-ին:Ավելի ուշ հայտնի դարձավ, որ 31 հոգու մեկուսացրել են Ծաղկաձորի «Գոլդեն փելես» հյուրանոցում։ Նրանք բոլորը կորոնավիրուսով վարակված տղամարդու հետ ինքնաթիռում շփված քաղաքացիներ են:

 

Լրահոս
0