Զգուշացեք. Facebook-ի հայկական տիրույթում խարդախության նոր սխեմա է գործում

© Sputnik / Andranik GhazaryanПользователь социальной сети Facebook
Пользователь социальной сети Facebook - Sputnik Արմենիա
Բաժանորդագրվեք
Yandex newsTelegram
Դյուրահավատ օգտատերերը կարող են հայտնվել ընկեր ձևացող և գումար հափշտակելու ցանկություն ունեցող խաբեբաների ծուղակում։

ԵՐԵՎԱՆ, 19 մարտ – Sputnik․ Ինտերնետ-խաբեբաները խարդախության նոր սխեմա են մտածել։ Ինչպես ամեն հանճարեղ բան, այն պարզ է. փող «քերելու» մեխանիզմը նույնիսկ զարմացնում է հնարամտությամբ։

Водитель автобуса в Ереване - Sputnik Արմենիա
Բջջային հավելվածի միջոցով հնարավոր կլինի պարզել՝ կորոնավիրուսով վարակված եք, թե ոչ

Սխեման գործում է հետևյալ կերպ․ Facebook-ում ընտրում են հավանական զոհին, նայում են, թե ում հետ է սոցիալական ցանցում «ընկերություն անում», ապա «ընկերներից» մեկի անունով ու լուսանկարով նոր հաշիվ են բացում։ Այդ հաշվից գրում են «զոհին» ու փող խնդրում։ Սովորաբար քիչ գումար են ուզում, քանի որ հասկանում են` շատ խնդրելու դեպքում մերժում ստանալու հավանականությունն ավելի մեծ է։

Բայց եթե հաշվի առնենք, որ որոշ դյուրահավատ օգտատերեր հաճախ են ընկնում թակարդը, ապա գումարային «գործարքը» կարող է բավականին եկամտաբեր լինել։

Մեդիափորձագետ Սամվել Մարտիրոսյանը Sputnik Արմենիայի հետ զրույցում նշեց, որ փող շորթելու նման մեթոդն աշխարհում նոր չէ։ Բայց սովորաբար այդպիսի բաներ անում են բնակչության մեծ թվով երկրներում, որտեղ ծանոթների միջև շփումն ավելի հազվադեպ է, և մարդիկ կարող են ամիսներով չհանդիպել։

«Ընկեր Մարտիրոսյան, «չոռնիից» հանեք, դասը սովորել եմ»․ ԿԳՄՍ նախարարի գրառման արձագանքները

«Առաջ այդպիսի երևույթ կարելի էր հանդիպել «Одноклассники»-ում, հիմնականում դա անում էին Ռուսաստանում ապրող հայերը։ Հիմա ամեն ինչ ավելի տեղայնացված է։ Խնդրում են բանկային քարտի համարը։ Ինչ-որ պահի մարդը կարող է պարզապես չկասկածել և հեշտությամբ ընկնել թակարդը»,-ասաց Մարտիրոսյանը։

Իրավապահ մարմիններին ոչ միշտ է հաջողվում կանխել կողոպուտի այդօրինակ փորձերը, քանի որ խարդախները մեծ գումար չեն խնդրում, իսկ այդպիսի նվազագույն գումարը բավական չէ քրեական գործ հարուցելու համար։ Այդ պատճառով էլ նրանք քանակի վրա են աշխատում։ Փորձագետը խորհուրդ է տալիս այդպիսի դեպքերում պարզապես զանգել ընկերոջը, որի անունից նման նամակ է եկել։

Դիմակով և շարժման մեջ․ ի՞նչ են շնչում երևանյան տրանսպորտի ուղևորներն ու վարորդները

Լրահոս
0