Գեղարքունիքում շմոլ գազի արտահոսքի հետևանքով 6 երեխա և 2 մեծահասակ հոսպիտալացվել են

© Sputnik / Asatur YesayantsАвтомобиль скорой помощи у медицинского центра "Сурб Асвацамайр"
Автомобиль скорой помощи у медицинского центра Сурб Асвацамайр - Sputnik Արմենիա
Բաժանորդագրվեք
Հոսպիտալացված երեխաների և մեծահասակների կյանքին վտանգ չի սպառնում։

ԵՐԵՎԱՆ, 19 մարտի-Sputnik. Գեղարքունիքի մարզի Դդմաշեն գյուղում շմոլ գազի արտահոսքի թունավորումից 8 մարդ, այդ թվում ` 6–ը երեխա տեղափոխվել են  հիվանդանոց։ Տեղեկությունը հայտնում է shamshyan.com-ը։

Беспорядки в Степанакерте (19 марта 2020).  - Sputnik Արմենիա
Արցախում փակել են Բակո Սահակյանի ճանապարհը. տեսանյութ

«Մարտի 18-ին, ժամը 12։50-ի սահմաններում «Հրազդան» բժշկական կենտրոնից ոստիկանության Հրազդանի բաժին ահազանգ է ստացվել, որ «սուր էկզոգեն թունավորում՝ շմոլ գազից» ախտորոշմամբ իրենց մոտ են տեղափոխվել մի քանի քաղաքացիներ»,-գրում է կայքը։

Պարզվել է, որ Դդմաշեն գյուղի 5-րդ փողոցի տներից մեկում խոհանոցի գազօջախից առաջացած գազի արտահոսքի հետևանքով  հիվանդանոց են տեղափոխվել Դդմաշեն գյուղի բնակիչներ՝ 9-ամյա Դավիթ Թ-ն, 5-ամյա Նարեկ Ս-ն, 6-ամյա Գարիկ Թ-ն, 9-ամյա Վահե Ս-ն, 11-ամյա Հովիկ Ս-ն, 12-ամյա Սոնա Թ-ն, 31-ամյա Նարինե Գ-ն և 58-ամյա Նինա Ա-ն։

Sputnik Արմենիան մանրամասներ ճշտելու համար կապ հաստատեց Դդմաշեն գյուղի գյուղապետ Ավետիս Ավետիսյանի հետ։

Տղամարդիկ 2.5 անգամ ավելի շատ են մահանում կորոնավիրուսից, քան կանայք. Թորոսյան

«Ես կատարվածից տեղյակ եմ։ Այժմ մեր գյուղի բնակիչների կյանքին վտանգ չի սպառնում։ Բժշկական միջամտությունը ժամանակին է եղել»,-ասաց նա։

Հավելենք, որ  ոստիկանության Հրազդանի բաժնում նախապատրաստված նյութերը տարածքային ենթակայության կարգով ուղարկվելու են ոստիկանության Սևանի բաժին՝ հետագա ընթացքը լուծելու համար։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала