Երևանի տրանսպորտի վիճակը լարված է, բայց ոչ կոլապսային. քանի անգամ է կրճատվել ուղևորահոսքը

© Sputnik / Andranik GhazaryanОбщественный транспорт в Ереване
Общественный транспорт в Ереване - Sputnik Արմենիա
Ռիսկի խմբում գտնվող 60 տարեկանից բարձր կամ խրոնիկ հիվանդություններ ունեցող վարորդները պարետատան ցուցումով արտակարգ դրության օրերին գիծ դուրս չեն գալիս։

ԵՐԵՎԱՆ, 21 մարտի — Sputnik. Երևանի տրանսպորտային փոխադրումների քանակը արտակարգ դրության օրերին կրճատվել է 3-5 անգամ։ Տվյալներն այսօր լրագրողների հետ հանդիպմանը ներկայացրեց Երևանի քաղաքապետի տեղակալ Սերգեյ Հարությունյանը։

Водитель автобуса в Ереване - Sputnik Արմենիա
Կորոնավիրուսն ընդդեմ երևանյան տրանսպորտի. վարակը նաև վարորդի գրպանին է հարվածել

Նրա խոսքով` Երևանի մետրոպոլիտենը եթե սովորաբար օրական 75 000 ուղևոր էր փոխադրում, այսօր ուղևորների թիվն ընդամենը 15 000 է։

«Այսինքն` ուղևորահոսքը 5 անգամ կրճատվել է»,– ասաց նա։

Ավտոբուսների ուղևորահոսքը 70 000–ից նվազել է մինչև 20 000։

Միկրոավտոբուսների դեպքում նախկին 750-800–ի փոխարեն այսօր օրական երթուղի է դուրս գալիս 500–ը միայն։

Sputnik Արմենիայի հարցին, թե արդյո՞ք Երևանի իշխանությունը պատրաստ է դիմակայել հնարավոր տրանսպորտային կոլապսին, ու ի՞նչ այլընտրանքային տարբերակներ կան քաղաքացիների փոխադրումը կազմակերպելու համար, եթե մասնավոր փոխադրողներն ընդհանրապես դադարեցնեն իրենց աշխատանքը, քաղաքապետի մամուլի քարտուղար Հակոբ Կարապետյանը պատասխանեց.

«Եթե, Աստված չանի, այդպիսի կոլապսային վիճակի հասնենք, Երևանի քաղաքային համայնքի իրավասության տակ գտնվող «Երևանի ավտոբուս» ՓԲԸ–ն ունի ռեզերվային թվով ավտոբուսներ, որոնք պահվում են հենց կոլապսային իրավիճակներում օգտագործվելու, այսինքն կոլապսային իրավիճակներից խուսափելու համար»,– ասաց նա։

Հակոբ Կարապետյանը նաև հավելեց, որ թեև տրանսպորտային իրավիճակն այս պահին Երևանում «լարված ու վատթար» է, բայց կոլապսից առայժմ հեռու է։

Տրանսպորտը գերբեռնված չպետք է լինի. Ավինյանն է հանձնարարել

Խորհուրդներ հանրային տրանսպորտից օգտվելու համար - Sputnik Արմենիա
Ինչ պետք է անել հանրային տրանսպորտից օգտվելիս․ օգտակար խորհուրդներ

Ինչ վերաբերում է վարորդների առողջական վիճակին, փոխքաղաքապետ Սերգեյ Հարությունյանը հայտնեց, որ ռիսկի խմբում գտնվող վարորդներն այս օրերին աշխատանքի չեն գնում։

«Բնական է, որ այն վարորդները, որոնք պարետատան ցուցումով ցանկալի չէ, որ աշխատեն` 60 անց կամ խրոնիկ հիվանդություններ ունեն, այդ մարդիկ տանն են, չեն աշխատում»,– ասաց նա։

Ինչ վերաբերում է տրանսպորտի ախտահանմանը, փոխքաղաքապետի հավաստմամբ` այդ աշխատանքը Երևանում կատարվում է ամենօրյա ռեժիմով ու «միջազգային մակարդակին համապատասխան»։

«Բոլոր տեսակի տրանսպորտային միջոցները, որոնք գործում են Երևան քաղաքում, անկախ սեփականության տեսակից` հիվանդությունների վերահսկման և կանխարգելման կենտրոնի և մեկ ՓԲԸ–ի հետ կնքված պայմանագրով ամեն օր այդ ընկերության կողմից ախտահանվում են։ Մետրոն, ավտոբուսները, տրոլեյբուսները կամ փոքր գազելները, միկրոավտոբուսները ամեն օր վնասազերծվում են»,– ասաց Հարությունյանը։

Նա վստահեցրեց, որ երևանյան տրանսպորրտը կախտահանվի այնքան ժամանակ, քանի դեռ դրա կարիքը կա։

Դիմակով և շարժման մեջ․ ի՞նչ են շնչում երևանյան տրանսպորտի ուղևորներն ու վարորդները

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала
Միջազգային
InternationalEnglishԱնգլերենMundoEspañolԻսպաներեն
Եվրոպա
DeutschlandDeutschԳերմաներենFranceFrançaisՖրանսերենΕλλάδαΕλληνικάՀունարենItaliaItalianoԻտալերենČeská republikaČeštinaՉեխերենPolskaPolskiԼեհերենСрбиjаСрпскиՍերբերենLatvijaLatviešuԼատիշերենLietuvaLietuviųԼիտվերենMoldovaMoldoveneascăՄոլդովերենБеларусьБеларускiԲելառուսերեն
Հարավային Կովկաս
ԱրմենիաՀայերենՀայերենАҧсныАҧсышәалаԱբխազերենХуссар ИрыстонИронауՕսերենსაქართველოქართულიՎրացերենAzərbaycanАzərbaycancaԱդրբեջաներեն
Մերձավոր Արևելք
Sputnik عربيArabicԱրաբերենTürkiyeTürkçeԹուրքերենSputnik ایرانPersianՊարսկերենSputnik افغانستانDariԴարի
Կենտրոնական Ասիա
ҚазақстанҚазақ тіліՂազախերենКыргызстанКыргызчаՂրղզերենOʻzbekistonЎзбекчаՈւզբեկերենТоҷикистонТоҷикӣՏաջիկերեն
Արևելյան և Հարավարևելյան Ասիա
Việt NamTiếng ViệtՎիետնամերեն日本日本語Ճապոներեն俄罗斯卫星通讯社中文(简体)Չինարեն (պարզեցված)俄罗斯卫星通讯社中文(繁体)Չինարեն (ավանդական)
Հարավային Ամերիկա
BrasilPortuguêsՊորտուգալերեն