Կոմիտասի անվան պանթեոնն այսօր անսովոր տեսք է ստացել։ Մադիկ մեծ քանակով ծաղիկներ են խոնարհել հայ մեծերի գերեզմաններին ու հուշարձաններին։
Հայաստանում խստացվում են սահմանափակումները. կփակվեն բոլոր բարերն ու ակումբները
Պանթեոնի գրեթե ողջ տարածքը ծածկված է գույնզգույն, գեղեցիկ ու ակնհայտորեն թանկարժեք վարդերով։
Որոշ տեղեկությունների համաձայն` հիշատակի այս յուրօրինակ ակցիայի հեղինակները Հայաստանում գործող ծաղկի ջերմոցների սեփականատերերն են։
Կորոնավիրուսով պայմանավորված` Հայաստանում թերևս կանգ է առել նաև ծաղկի վաճառքը։ Այդ բիզնեսով զբաղվողներն այսկերպ փորձել են արժևորել իրենց արժեզրկված արտադրանքը։
Կոմիտասի թանգարան–ինստիտուտից Sputnik Արմենիային հայտնեցին, որ նախաձեռնության հեղինակը Հայաստանում հոլանդական վարդեր աճեցնող ամենախոշոր ջերմատնային RoseArt ընկերությունն է։
Ընդ որում, ակցիան միայն Կոմիտասի անվան պանթեոնով չի սահմանափակվելու։ Ջերմատունը նմանատիպ ակցիաներ է կազմակերպելու նաև Եռաբլուրում և քաղաքային պանթեոնում։
Հայաստանը Ռուսաստանից կորոնավիրուսի ախտորոշման 1000 նոր թեստ է ստացել
