Արտակարգ դրությունը կարող է ձգվել մինչև մեկ տարի. ԱԺ նախագահ

© Sputnik / Asatur YesayantsСпикер Национального собрания Арарат Мирзоян на пленарном заседании Парламента Армении (5 марта 2019). Еревaн
Спикер Национального собрания Арарат Мирзоян на пленарном заседании Парламента Армении (5 марта 2019). Еревaн - Sputnik Արմենիա
Բաժանորդագրվեք
Ընդդիմությունն առաջարկում է արտակարգ դրության ընթացքում ԱԺ-ի նիստ չգումարել։ Մեծամասնությունը դեմ է։

ԵՐԵՎԱՆ, 24 մարտի – Sputnik. Արտակարգ դրությունը Հայաստանում ու աշխարհում կարող է ձգվել մինչև մեկ տարի։ Այս հայտարարությունն այսօր ԱԺ նիստում հնչեցրեց ԱԺ նախագահ Արարատ Միրզոյանը։

«Արտակարգ դրությունը կարող է երկարել մի քանի ամիս, անգամ կարծիքներ կան, որ մինչև մեկ տարի կարող է երկարել։ Մենք այդ ընթացքում չենք կարող չաշխատել ու մեր օրենսդրական գործունեությունը չիրականացնել»,- ասաց Միրզոյանը՝ արձագանքելով «Լուսավոր Հայաստան» խմբակցության ղեկավար Էդմոն Մարուքյանի ՝ խորհրդարանի աշխատանքը դադարեցնելու առաջարկին։

Մարուքյանն առաջարկեց քաղաքական պայմանավորվածության գալ, չգրանցվել, քվորում չապահովել ու չեղարկել նիստը։

Пресс-конференция министра здравоохранения Армении Арсена Торосяна на тему коронавируса (19 марта 2020). Еревaн - Sputnik Արմենիա
Արսեն Թորոսյանը հայտնեց, թե ինչ դեղերով են բուժում կորոնավիրուսով վարակվածներին

«Մենք մարդկանց ասում ենք՝ մնացեք տանը, բայց մենք վատ օրինակ ենք ծառայում։ Ես կարծում եմ մենք այստեղ 130 հոգով հավաքվելով ու մեր աշխատողներին այստեղ հրավիրելով, վատ օրինակ ենք ծառայում։ Գալիս ենք առանց դիմակների, սոցիալական հեռավորություն չենք պահպանում, բոլորս նույն ամբիոնից խոսում ենք, բոլորս նույն միկրոֆոններն ու դռների բռնակները»,- ասաց Մարուքյանը։

Արարատ Միրզոյանը, սակայն, այս դիտարկմանը չհամաձայնեց՝ պնդելով, որ իրենց աշխատանքը դրական օրինակ է։

«Կյանքը շարունակվում է, և ես կարծում եմ` մենք հենց որպես օրինակ ոչ թե պիտի նստենք տանը, այլ պիտի աշխատենք»,- ասաց նա։

Միրզոյանը շեշտեց, որ օրակարգում ընդգրկվել են բացառապես ամենաառաջնային համարված 25 հարցերը։

Ինչպես են Հայաստանում հակասեպտիկներ արտադրում

Совещание во главе с премьер-министром - Sputnik Արմենիա
Նիկոլ Փաշինյանը ուղերձով կդիմի ժողովրդին

Նշենք, որ «Բարգավաճ Հայաստան» խմբակցությունը ևս կողմ էր խորհրդարանի աշխատանքը շարունակելու առաջարկին։

Արդյունքում օրակարգը հաստատվեց 113 կողմ ձայնով, և խորհրդարանը սկսեց աշխատանքը։

Հիշեցնենք՝ երեկ երեկոյան վարչապետ Նիկոլ Փաշինյանը հայտարարեց, որ կառավարությունը խստացնում է արտակարգ դրության ռեժիմով սահմանված սահմանափակումները։

Մասնավորապես՝ այսօրվանից կարգելվեն բոլոր տեսակի ռեստորանների և սրճարանների գործունեությունը, բացառություն կարվեն առաքման ծառայության համար: Շինարարական աշխատանքները, տեքստիլ, թեթև արդյունաբերության մի շարք ճյուղերի գործունեությունը ևս կարգելվի։ Իսկ սննդի արտադրությունը կշարունակվի, պարենային խանութները կաշխատեն։

Վարչապետը տեղեկացրեց, որ պարետատունն այսօր կհրապարակի թույլատրելի գործունեության տեսակները, մնացյալն առայժմ մեկ շաբաթով կարգելվեն։

Փաշինյանը կոչ արեց չլքել տները, դա անել միայն գնումներ կատարելու համար, պահպանել անձնական հիգիենայի կանոնները, խուսափել վտանգավոր շփումներից։

Հայաստանում կորոնավիրուսով վարակվածների թիվը հասել է 235–ի։

Աշխարհն անցնում է առցանց շփման. հայկական համացանցը կդիմանա՞ տրաֆիկի անզուսպ աճին

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала