«Մալադեց, Նիկոլ ջան». թոշակառու կինն ուրախացավ Փաշինյանի զանգից

© Facebook / Nikol Pashinyan / Նիկոլ Փաշինյան Премьер-министр Никол Пашинян звонит гражданам
Премьер-министр Никол Пашинян звонит гражданам - Sputnik Արմենիա
Բաժանորդագրվեք
НовостиTelegram

ԵՐԵՎԱՆ, 27 մարտի – Sputnik. ՀՀ վարչապետ Նիկոլ Փաշինյանը Facebook սոցիալական ցանցի ուղիղ եթերում զանգահարել է քաղաքացիներին` իմանալու, թե ինչպես են իրենց զգում, ինչ խնդիրներ ունեն, գոհ են կառավարության քայլերից, թե ոչ։

Մի աղջիկ իմանալով, որ Փաշինյանն է զանգահարում, հեռախոսը փոխանցեց մորը։ Մեծահասակ կինը, լսելով, որ Փաշինյանն է զանգահարել, ասաց. «Մալադեց, Նիկոլ ջան»։

Փաշինյանի հարցին, թե ո՞նց են դիմանում, տատիկը պատասխանեց, որ մի կերպ են դիմանում։

«Ես հիվանդ եմ, ամուսինս էլ 90 տարեկան է։ Տնից դուրս չենք գալիս։ Աղջիկս եկել է մեզ խնամելու, գնումներ անելու, սակայն վաղը գնալու է, ու չգիտեմ` ինչ ենք անելու։ Չգիտենք` ով է գնումներ կատարելու»,– ասաց կինը։

Կինն ասաց, որ նախկինում սոցաշխատողն էր իրենց օգնում ու գնումներ կատարում, իսկ հիմա նրանք էլ են վախենում այցելել տներ։ Կնոջ աղջիկն ու տղան Ռուսաստանում են ապրում, եկել էին Հայաստան արձակուրդի ու մնացել այստեղ` կորոնավիրուսի տարածման պատճառով։

Թոշակառու կինն ասաց նաև, որ քայլակի կարիք ունի, քանի որ դժվարությամբ է քայլում։ «Փայլա՞կ էր, սայլա՞կ էր` դրա կարիքն ունեմ»,–ասաց տատիկը։

Փաշինյանը հստակեցրեց` երևի քայլակի կարիք ունի՞, կինը հաստատեց` այո։

Կարո՞ղ եմ շուկա գնալ, կամ վզներիս խփեց կորոնավիրուսը. մարդիկ անկեղծացան Փաշինյանի հետ

Հիշեցնենք՝ Հայաստանում մարտի 16-ից ապրիլի 14-ն արտակարգ դրություն է հայտարարվել: Մարտի 25–ից մեկ շաբաթով արգելվել է ՀՀ քաղաքացիների ազատ տեղաշարժը, և նրանք տնից պետք է դուրս գան միայն խիստ անհրաժեշտության դեպքերում։ Հայաստանում կորոնավիրուսով վարակվածների թիվն այսօր ժամը 10։00-ի դրությամբ հասել է 329–ի, առողջացել է 18 քաղաքացի, մահացել է մեկը։ 

Լրահոս
0