ՌԴ-ում ոչ աշխատանքային օրերը երկարաձգվել են․ Վլադիմիր Պուտին

© Sputnik / Алексей Никольский / Անցնել ֆոտոբանկРабочий визит президента РФ В. Путина в Израиль
Рабочий визит президента РФ В. Путина в Израиль - Sputnik Արմենիա
Բաժանորդագրվեք
Yandex newsTelegram
ՌԴ առաջնորդը ուղերձով դիմել է ռուսաստանցիներին և հայտնել կորոնավիրուսի դեմ պայքարի շրջանակում իրականացվող նոր միջոցառումների մասին։

ԵՐԵՎԱՆ, 2 ապրիլի -  Sputnik․ Ռուսաստանի Դաշնության նախագահ Վլադիմիր Պուտինը երկարաձգել է ոչ աշխատանքային օրերը մինչև ապրիլի 30-ը։ Այդ մասին նա հայտարարեց կորոնավիրուսի տարածման իրավիճակի հետ կապված ուղերձում։ ՌԴ նախագահն արդեն երկրորդ անգամ է կոչով դիմում ռուսաստանցիներին։

Международный аэропорт Храброво в Калининграде сертифицирован по 2-й категории ИКАО - Sputnik Արմենիա
Ռուսաստանի դեսպանատունն իր քաղաքացիներին կոչ է անում վերջին չվերթով մեկնել Հայաստանից

«Որոշում եմ ոչ աշխատանքային օրերի ռեժիմը երկարաձգել մինչև ապրիլի 30-ը»,- ասաց նա։

ՌԴ առաջնորդը նշեց, որ չաշխատած օրերի դիմաց ՌԴ քաղաքացիները կշարունակեն վարձատրվել։

Անդրադառնալով երկրում տիրող իրավիճակին, Պուտինն արձանագրեց՝ երկիրը մեծ է, պատկերը՝ ամեն շրջանում տարբեր է, բայց Մոսկվայում առայժմ չի հաջողվում փոխել կորոնավիրուսային իրավիճակը։ Նա չբացառեց՝ հնարավոր է՝ նոր որոշումներ ընդունելու անհրաժեշտություն լինի։

ՌԴ նախագահը նշեց, որ իշխանությունները կորոնավիրուսի դեմ պայքարում շարունակելու են գործել կանխարգելման սկզբունքով։ Նա ռուսաստանցիներին հորդորեց լրջորեն վերաբերվել իշխանության պահանջներին և բժիշկների խորհուրդներին։ 

Մարզերի ղեկավարներին նոր լիազորություններ կտրվեն․նրանք պետք է հստակեցնեն կորոնավիրուսի դեմ պայքարի միջոցառումները։ Մինչև շաբաթվա վերջ նրանք պետք է որոշեն, թե ինչ սահմանափակումներ են կիրառելու իրենց մարզերում։ Աշխատանքները կհամակարգեն նախագահի կողմից լիազորված ներկայացուցիչները։

Պուտինը հանդես կգա ժողովրդին ուղղված նոր ուղերձով. նա արդեն գրում է տեքստը

Ավելի վաղ՝ մարտի 25-ին, Վլադիմիր Պուտինը հանդես եկավ կորոնավիրուսի համավարակի հետ կապված քաղաքացիներին ուղղված առաջին հեռուստաուղերձով, որի ընթացքում բարձրաձայնեց քաղաքացիների սոցիալական պաշտպանության, նրանց եկամուտների և աշխատատեղերի պահպանման, ինչպես նաև մանր և միջին բիզնեսի աջակցմանն ուղղված մի շարք միջոցառումների մասին։

Լրահոս
0