Ասում են՝ ճշմարտությունը երեխայի շուրթերով է հնչում։ Այս անգամ էլ հերթական երեխան հնչեցրեց հերթական «մեծական» նորամուծության մասին իր հիմնավոր կարծիք-բողոքը։ Արցախի Հանրապետության կրթության նախարարության ֆեյսբուքյան էջում հրապարակվել է մի տեսանյութ, որում դպրոցահասակ փոքրիկը համով արցախյան բարբառով բողոքում է հեռավար դասապրոցեսից։
«Ընկեր Մարտիրոսյան, «չոռնիից» հանեք, դասը սովորել եմ»․ ԿԳՄՍ նախարարի գրառման արձագանքները
«Տըրա դասերը սըվըրելու չըմ, ինձ վըչ մի պեն հետաքրքիր չի։ 460 հատ դաս են տվել մի օրում մեջ, հոգնում ըմ էդքան սըվորիլուց»,-տեսախցիկի առաջ լացախառը ձայնով պատմում է փոքրիկը։
Նախարարությունը հոլովակին կից հորդորել է ուսուցիչներին երեխաներին շատ չծանրաբեռնել այս օրերին։ Երեխայի բողոքը համացանցում ակտիվորեն տարածվում է։ Մարդիկ զվարճանում են դպրոցականի ապրումներով, որոշներն էլ լուրջ քննարկում են սկսել այն մասին, թե որքանով են արդյունավետ հեռավար դասերը։
Նշենք, որ կորոնավիրուսի համավարակի պատճառով շատ երկրներ են անցել հեռավար կրթության։ Հայաստանն ու Արցախը նույնպես այդ երկրների թվում են:
Հեռավար լողի դասեր անջուր «լողավազանում». զվարճալի տեսանյութ` 4 փոքրիկների մասնակցությամբ
