Քոչարյանի պատասխանից է կախված Սերժ Սարգսյանի` հանձնաժողովի նիստին մասնակցելու որոշումը

© Sputnik / Asatur YesayantsТретий президент Серж Саргсян покидает здание суда по окончанию заседания по "дизельному делу" (25 февраля 2020). Еревaн
Третий президент Серж Саргсян покидает здание суда по окончанию заседания по дизельному делу (25 февраля 2020). Еревaн - Sputnik Արմենիա
Բաժանորդագրվեք
НовостиTelegram
Երրորդ նախագահը դեմ է, որ նիստի ժամանակ հայտնեն պետական և ծառայողական գաղտնիք կազմող, նախագահին անհայտ տեղեկություններ:

ԵՐԵՎԱՆ, 8 ապրիլի – Sputnik. Ապրիլյան պատերազմի հանգամանքներն ուսումնասիրող քննիչ հանձնաժողովի ղեկավար Անդրանիկ Քոչարյանի պատասխանից է կախված ՀՀ երրորդ նախագահ Սերժ Սարգսյանի`հանձնաժողովի նիստին մասնակցելու որոշումը։ ՀՀ երրորդ նախագահի գրասենյակն այսօր պատասխան գրություն է ուղարկել քննիչ հանձնաժողով` հայտնելով, թե Սարգսյանի համար այդպես էլ պարզ չէ Անդրանիկ Քոչարյանի պատասխանը։

Ապրիլյան պատերազմի հանգամանքներն ուսումնասիրող քննիչ հանձնաժողովը համաձայնել էր նիստից հետո Սերժ Սարգսյանին տրամադրել ձայնագրության մեկ օրինակ, պայմանով՝ եթե նա կպարտավորվի պահպանել Սահմանադրությամբ սահմանված պետական գաղտնիքի մասին բոլոր դրույթները:

Документальный фильм про Сержа Саргсяна - Sputnik Արմենիա
Սերժ Սարգսյանն անակնկալի է բերել քննիչ հանձնաժողովին. «Ժողովուրդ»

«Ապրիլի 8-ին ՀՀ երրորդ նախագահի գրասենյակ ուղարկված գրության մեջ պարզորոշ ներկայացված չէ հանձնաժողովի դիրքորոշումը` ի պատասխան գրասենյակի հարցադրումների: Մասնավորապես, հասկանալի չէ, թե բավարարվե՞լ է արդյոք երրորդ նախագահի առաջադրած պայմանը` հանձնաժողովի լսումներին ներկայանալու միայն իր մասնակցությամբ նիստի ձայնագրությունը (կամ տեսաձայնագրությունը) ստանալու դեպքում»,–նշված է եղել գրության մեջ։

Բացի այդ, երրորդ նախագահի գրասենյակը հետաքրքրվել է` եթե նիստի ընթացքում հանձնաժողովը պատրաստվում է Սարգսյանին հայտնել պետական և ծառայողական գաղտնիք կազմող` նախագահին անհայտ տեղեկություններ, ապա, ղեկավարվելով «Պետական և ծառայողական գաղտնիքի մասին» ՀՀ օրենքի 20-րդ հոդվածի 1-ին մասի «ա» կետով, Սարգսյանը դեմ է դրան և առաջարկում է նման տեղեկություններ չհայտնել:

Իսկ եթե խոսքը վերաբերում է պետական և ծառայողական գաղտնիք կազմող այնպիսի տեղեկությունների, որոնց ՀՀ երրորդ նախագահը տիրապետում է ի պաշտոնե, ապա «Պետական և ծառայողական գաղտնիքի մասին» ՀՀ օրենքի 22-րդ հոդվածի 2-րդ մասի հիման վրա արդեն իսկ առկա է դրանք չհրապարակելու պարտավորություն` անկախ հանձնաժողովի նիստում դրանք հրապարակելուց կամ չհրապարակելուց:

Սերժ Սարգսյանի եղբորորդին կմնա ճաղերի հետևում

«Ելնելով վերոհիշյալից` ակնկալում ենք հանձնաժողովի հստակ դիրքորոշումը` տրամադրվելո՞ւ է արդյոք ՀՀ երրորդ նախագահին` նրա կողմից հանձնաժողովի նիստում հնչեցված հայտարարությունների և պատասխանների տեսաձայնագրությունը: Խնդրում ենք նաև պարզաբանել, թե ՀՀ օրենսդրության որոշակիորեն ո՞ր նորմերից է բխում հանձնաժողովի նիստին պաշտոնաթող նախագահի չներկայանալու դեպքում հանձնաժողովին գրավոր հիմնավորումներ ներկայացնելու Ձեր խնդրանքը»,–նշված է եղել գրության մեջ։

Երբ Սերժ Սարգսյանն ու Յուրի Խաչատուրովը ներկայանան, դա կլինի կուլմինացիան. Փաշինյան

Ի դեպ, «Պետական և ծառայողական գաղտնիքի մասին» ՀՀ օրենքի 20–րդ հոդվածը սահմանում է, որ պետական և ծառայողական գաղտնիքին առնչվել կարող են ՀՀ քաղաքացիները` կամավորության հիման վրա։ Իսկ նույն օրենքի 22—րդ հոդվածով սահմանված են պետական և ծառայողական գաղտնիքին առնչվելու իրավունքի դադարեցման հիմքերը։

Հիշեցնենք, որ Սերժ Սարգսյանը համաձայնել էր քննիչ հանձնաժողով այցելել արտակարգ դրության ժամկետի ավարտից հետո։ Սակայն նա մեկ պայմանով էր իր համաձայնությունը տվել, երբ ձայնագրության մեկ օրինակը նիստից հետո տրամադրվի իրեն:

Լրահոս
0