«Գազալցակայաններում այլևս խաղային ավտոմատներ չեն լինի»․ Փաշինյան

© Sputnik / Asatur YesayantsПресс-конференция премьер-министра Никола Пашиняна (19 марта 2019). Еревaн
Пресс-конференция премьер-министра Никола Пашиняна (19 марта 2019). Еревaн - Sputnik Արմենիա
Բաժանորդագրվեք
НовостиTelegram
ՀՀ վարչապետ Նիկոլ Փաշինյանը կյանքի է կոչում իր` հեղափոխությունից առաջ տված խոստումներից մեկը` կապված խաղային ավտոմատների հետ։

ԵՐԵՎԱՆ, 9 ապրիլի – Sputnik. Մայիսի 1-ից խաղային ավտոմատների գործունեությունը կարգելվի։ Տեղեկությունը Facebook-ի իր էջում գրել է վարչապետ Նիկոլ Փաշինյանը և կից հրապարակել արխիվային տեսանյութ։

«Մայիսի 1-ից ուժի մեջ է մտնում այս չարաբաստիկ խաղային ավտոմատներն արգելող օրենքը։ Այսինքն՝ մայիսի 1-ից գազալցակայաններում այլևս խաղային ավտոմատներ չեն լինի»,-գրել է Փաշինյանը։

Արխիվային տեսանյութում, որն արված է նրա քայլարշավի օրերին, Փաշինյանը հայտարարում է, որ գազալցակայաններում տեղադրված խաղային ապարատներն իսկական չարիք են մարդկանց համար։ Դրանք փաստացի կողոպտում են քաղաքացիներին։

Խաղամոլություն, թե սոցիալական լարվածություն. չարիքի դեմ պայքարի ի՞նչն է սխալ Հայաստանում

Հիշեցնենք, որ դեռևս 2018 թվականի սեպտեմբերին «Վիճակախաղերի մասին» օրենքում լրացումներ կատարելու նախագծի քննարկման ժամանակ վարչապետ Նիկոլ Փաշինյանը հայտարարել էր, որ խաղային ավտոմատները դարձել են մեր տնտեսության առաջատար ճյուղը, ինչը աբսուրդ է, «ղումարբազությունն» է խրախուսվում։

Վարչապետ Փաշինյանը նշել էր, որ անհրաժեշտ է արգելել նաև գազալցակայաններում խաղային ավտոմատների տեղադրումը, քանի որ դա Հայաստանը վերածվում է բացօթյա կազինոյի:

Լրահոս
0