ԵՐԵՎԱՆ, 10 ապրիլի - Sputnik. Արտակարգ իրավիճակների նախարարությունը տեղեկացնում է, որ ապրիլի 9-ին, ժամը 14:34-ին տեղեկություն է ստացվել, որ Երևանի Կարեն Դեմիրճյանի անվան մարզահամերգային համալիրի մոտակայքում հայտնաբերվել է նռնակ:
«Դեպքի վայր է մեկնել ԱԻՆ ՓԾ քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներական ջոկատը: Հայտնաբերվել է «РГ-42» տեսակի կոռոզիայի ենթարկված ձեռքի հարձակողական բեկորային դիստանցիոն նռնակ»,–նշված է հաղորդագրության մեջ։
Ինժեներական ջոկատը նռնակը տեղափոխել է Նուբարաշենի զորավարժարան, որտեղ այն ոչնչացվել է:
