ԵՐԵՎԱՆ, 12 ապրիլի – Sputnik, Արմենուհի Մխոյան. Գյումրիի կոմունալ ծառայության աշխատակիցները, արտակարգ դրության պայմաններում աշխատելու համար պարգևավճարներ կստանան։ Այս որոշումը կայացրել է Գյումրու ավագանին։
«Կառանտին հետ կապված մենք բոլորս լավ գիտենք, որ մեր քաղաքը մաքուր է: Խիստ կանոնավոր ու լավ աշխատում են կոմունալ բաժնի աշխատողները, և արժե արտակարգ իրավիճակում աշխատողներին տալ հավելավճար: Մենք նախատեսել ենք սանմաքրման և կոմունալի աշխատողներին պարգևատրում տալ»,-ավագանու նստի ժամանակ ասել է Գյումրիի քաղաքապետարանի ֆինանսական բաժնի պետ Լենա Ջիլավյանը:
Ի դեպ, «հավելավճար» բառը կփոխարինվի «պարգևավճար»-ով, որովհետև սա մարդկանց կատարած լավ աշխատանքի համար տրվող գումար է։ Կոմունալ ծառայության աշխատակիցներին պարգևավճար տալու առաջարկը ավագանին ընդունել է միաձայն:
Քաղաքապետարանից Sputnik Արմենիային տեղեկացրին, որ համայնքային բյուջեից այդ նպատակի համար հատկացվել է ընդհանուր մոտ 12 մլն դրամ:
Ուսուցիչները պարգևավճար չեն ստանա. Փաշինյանը շնորհակալություն հայտնեց նրանց
Հավելենք՝ Գյումրու ավագանին միաձայն հաստատել է նաև սոցիալապես անապահով 104 ընտանիքի 10 հազարական դրամ տալու նախագիծը՝ ընդհանուր 1 մլն 40 հազար հատկացնելով դրա համար, գումարներ կստանան նաև Գյումրու 2 սոցիալական ծառայություններում հաշվառված և 3 անչափահաս երեխա ունեցող, սոցիալապես խիստ անապահով ընտանիքները: Ըստ տվյալների` Գյումրիում կա նմանատիպ 499 ընտանիք:
Երևանի քաղաքապետարանը տարեցներին մեկ ամսվա մթերք ու կենցաղային ապրանքներ է տվել
