Քաղաքագետ Երվանդ Բոզոյանի դիտարկմամբ` ԵԱՏՄ անդամ երկրների ղեկավարների հանդիպել-չհանդիպելու խնդիրն ավելի շուտ մեսիջային նպատակ ունի։ Ըստ նրա` ակնհայտ է, որ ԵԱՏՄ մասնակիցներն ունեն հնարավորություններ ապահովելու անվտանգության առողջապահական համակարգը և հանդիպել, բայց երբ բոլոր երկրների առաջնորդներն իրենց ժողովուրդներին կոչ են անում մնալ տներում և ինքնամեկուսանալ, իսկ իրենք հանկարծ սկսում են պաշտոնական հանդիպումները, ապա դա կարող է վատ մեսիջ լինել։
«Այդ պատճառով էլ երկրների ղեկավարները գերադասում են իրենց հանդիպումներն ու համաժողովները անցկացնել հեռակապի միջոցով, հեռավար մեթոդներով, որպեսզի մեսիջ ուղարկեն հասարակություններին, որ իրենք նույնպես ապրում են այն ռեժիմով, որն առաջարկում են շարքային մարդկանց։ Ակնհայտ է, որ եթե ԵԱՏՄ համաժողովը կայանա Մինսկում առցանց ռեժիմով, ապա շատ խնդիրներ դրանից չեն տուժի։ Թեև կարող են լինել այնպիսի հարցեր, որոնք սովորաբար անմիջականորեն քննարկվում են փակ ռեժիմով, ուստի այդ դեպքում ԵԱՏՄ երկրների ղեկավարներն այնուամենայնիվ կորոշեն հանդիպումը կազմակերպել»,– Sputnik Արմենիայի եթերում ասաց քաղաքագետը։
Բոզոյանի կարծիքով` հարցը կախված կլինի նաև այն հանգամանքից, թե մայիսին ինչպիսի իրավիճակ կլինի Բելառուսում կորոնավիրուսի տարածման առումով։ Ըստ նրա` մայիս ամսվա հետ կապված կանխատեսումները տարբեր են։ Ոմանք համոզված են, որ կորոնավիրուսը կամաց–կամաց կնահանջի, մյուս մասն էլ կարծում է, որ ակտիվ տարածումը կշարունակվի մինչև հունիս։
Փաշինյանը չկարողացավ զսպել ծիծաղը, իսկ Պուտինն անհաղորդ մնաց․ ինչ էր ասում Լուկաշենկոն
«Լուկաշենկոյի պահվածքն ադեկվատ չէ այն առումով, որ փորձում է դեմ գնալ համաշխարհային թրենդին և իր երկիրը պահել այլ ռեժիմով, ինչը տարօրինակ է։ Վարակի տարածումը Բելառուսում նույնպես ակնհայտ է։ Շատ կարճ ժամանակամիջոցում այնտեղ ի հայտ եկավ 2500 վարակակիր, 29 հոգի արդեն իսկ մահացել է, մինչդեռ Լուկաշենկոն երկրի բնակիչներին 10 օր առաջ խոստացել էր, որ Բելառուսում ոչ ոք կորոնավիրուսից չի մահանա։ Նա չի պատրաստվում ներողություն խնդրել իր ժողովրդից»,– նշեց Բոզոյանը։
Քաղաքագետի խոսքով` Լուկաշենկոյի առաջարկը համահունչ է իր պատկերացումներին, այն է` կորոնավիրուսի վտանգը չափազանցված է, և երկրների ղեկավարները պետք է կարողանան փոխել իրենց դիրքորոշումն ու ուշադրության կենտրոնում պահել տնտեսությունը, այլ ոչ թե մարդկանց առողջությունը։
Նշենք, որ ԵԱՏՄ մասնակիցները ոչ միանշանակ են արձագանքել Ալեքսանդր Լուկաշենկոյի՝ մայիսի 19-ին կառույցի գագաթնաժողովն անցկացնելու համար Բելառուս այցելելու հրավերին, սակայն Բելառուսի առաջնորդը գործընկերներին կատարյալ անվտանգություն է երաշխավորել ու վստահեցել, որ նրանք, ինչպես միշտ, կվայելեն Մինսկ այցելելու հաճույքը։
Առանց մաքսատուրքերի ներմուծվող ապրանքների շարքը կընդլայնվի. նախագիծ է մշակվում
