ԱՄՆ նախագահ Թրամփը կրկին չի օգտագործել «Հայոց ցեղասպանություն» արտահայտությունը

© AP Photo / Patrick SemanskyПрезидент Дональд Трамп в Овальном кабинете в Белом доме (13 ноября 2019). Вашингтон
Президент Дональд Трамп в Овальном кабинете в Белом доме (13 ноября 2019). Вашингтон - Sputnik Արմենիա
Բաժանորդագրվեք
Yandex newsTelegram
Դոնալդ Թրամփը Հայոց ցեղասպանությունն անվանել է 20-րդ դարի ամենասարսափելի զանգվածային վայրագություններից մեկը:

ԵՐԵՎԱՆ, 24 ապրիլի - Sputnik. ԱՄՆ նախագահ Դոնալդ Թրամփն ուղերձ է հղել Հայոց ցեղասպանության 105-րդ տարելիցի կապակցությամբ: Սպիտակ տան տարածած պաշտոնական հաղորդագրությունից պարզ է դառնում, որ ԱՄՆ նախագահը հերթական անգամ խուսափել է «ցեղասպանություն» եզրույթն օգտագործելուց:

Президент Кипра Никос Анастасиадис  - Sputnik Արմենիա
«Հիշում ենք Հայոց ցեղասպանության զոհերին ու հարգում նրանց հիշատակը»․ Կիպրոսի նախագահ

«Մենք միանում ենք համաշխարհային հանրությանը՝ հիշելու 20-րդ դարի զանգվածային վայրագություններից մեկի՝ Մեծ եղեռնի զոհերին։ 1915թ-ից սկսած՝ Օսմանյան կայսրության գոյության վերջին տարիներին, մեկուկես միլիոն հայեր տեղահանվեցին, կոտորվեցին կամ մահվան դատապարտվեցին։ Հիշատակի այս օրը, մենք հարգանքի տուրք ենք մատուցում նրանց, ովքեր կորցրին իրենց կյանքը, միաժամանակ վերահաստատում ենք մեր հանձնառությունը ամրապնդելու ավելի մարդասեր ու խաղաղ աշխարհ»,- նշված է ԱՄՆ նախագահի ուղերձում։

Նա նաև նշել է, որ ամեն տարի ապրիլի 24-ն առիթ է անդրադառնալու ամերիկացի և հայ ժողովուրդների ուժեղ և ամրացող կապին։

«Այս օրը ողբերգության լույսի ներքո մենք ականատես ենք լինում նաև հայ ժողովրդի ուժին ու ամրությանը: Երջանիկ ենք, որ շատ հայեր իրենց հարուստ մշակույթը բերեցին մեր ափեր և այդքան մեծ ներդրում ունեցան մեր երկրի կյանքում՝ լինելով զինվորներ, նշանավոր արտիստներ, անվանի ճարտարապետներ և հաջողակ գործարարներ»,- նշել է Թրամփը:

Սերժ Սարգսյանն այցելել է Ծիծեռնակաբերդ և ծաղիկներ խոնարհել անմեղ զոհերի հիշատակին

Նա նաև ասել է, որ ԱՄՆ-ն ողջունում է «հայերի և թուրքերի ջանքերը`ճանաչելու և հաշվի նստելու իրենց ցավալի պատմության հետ»:

ԱՄՆ նախագահը շեշտել է, որ հիշելով նրանց, ովքեր տառապել ու զոհվել են, ԱՄՆ-ը վերահաստատում է իր նվիրվածությունը՝ աշխարհում կրոնական և էթնիկ փոքրամասնությունների պաշտպանության գործին:

Լրահոս
0