ԵՐԵՎԱՆ, 27 ապրիլի — Sputnik. Forbes ամսագիրը միլիարդատեր է ճանաչել ամերիկացի հայտնի ռեփեր Քանյե Ուեսթին։ Ըստ ամսագրի` երգչի կարողությունը 1,3 մլրդ դոլար է:
Forbes-ը Ուեսթին դասել է միլիարդատերի շարքում այն բանից հետո, երբ ռեփերը համաձայնել է ներկայացնել իր բիզնեսի փաստաթղթերը և բանկային հաշիվներից քաղվածքները:
Թեև Forbes-ի գնահատականներով Քանյե Ուեսթի կարողությունը մի փոքր գերազանցում է մեկ միլիարդ դոլարը, սակայն ինքը` Քանյեն պնդում է, որ իր կարողությունը կազմում է ավելի քան 3 մլրդ դոլար։
Այդ գումարի մի մասը ՝ 1,26 մլրդ դոլարը, երգչին բերել է նրա Yeezy ապրանքանիշ ։ Ամսագրի հաշվարկներով ՝ Ուեսթի մնացած ակտիվների արժեքն ընդհանուր առմամբ կազմում է շուրջ 125 մլն դոլար:
Ջերմության հետքերով․ ինչպես ամերիկուհու թեթև ձեռքով Գյումրին հայտնվեց Forbes-ում
Նշենք, որ Քանյե Ուեսթն ամերիկահայ հայտնի հեռուստաաստղ Քիմ Քարդաշյանի ամուսինն է։ Նրանք 4 զավակ ունեն` 2 աղջիկ և 2 տղա։
