Գուրգեն Խաչատրյանի մորն ու կնոջը կանչել են ԱԱԾ

© Photo : Facebook / Galaxy Group of CompaniesСоучредитель группы компаний «Галакси», председатель совета директоров компании Ucom Гурген Хачатрян
Соучредитель группы компаний «Галакси», председатель совета директоров компании Ucom Гурген Хачатрян - Sputnik Արմենիա
Բաժանորդագրվեք
НовостиTelegram
Կայքի տեղեկություններով` ԱԱԾ-ն պահանջել է, որ Գուրգեն Խաչատրյանի մայրն ու կինը անմիջապես ներկայանան նախաքննական մարմին։

ԵՐԵՎԱՆ, 2 մայիսի – Sputnik. «Փաստինֆո» գործակակության տեղեկություններով՝ ԱԱԾ են կանչվել «Գալաքսի» ընկերությունների խմբի համահիմնադիր, Ucom ընկերության տնօրենների խորհրդի նախագահ Գուրգեն Խաչատրյանի մայրն ու կինը։

«ԱԱԾ-ն պահանջել է, որ նրանք նախաքննական մարմին ներկայանան հենց այսօր, թեև Սահմանադրության 65-րդ հոդվածի համաձայն՝ նրանք ազատված են ցուցմունք տալու պարտավորությունից»,– գրում է կայքը։

Բացի այդ, ձերբակալվել է վարորդներից մեկը, «Գալաքսի» ընկերության մի քանի տասնյակ աշխատակիցներ տարվել են ԱԱԾ։

Гагик Хачатрян во время рабочего заседания в Комитете гос.доходов (14 июля 2012). Еревaн - Sputnik Արմենիա
Խաչատրյանը և նրա որդիները ղեկավարել են «մաֆիոզ» համակարգ. Փաշինյանի խոսնակի արձագանքը

Քիչ առաջ հայտնի դարձավ, որ խուզարկություն է կատարվում նաև «Ucom» ընկերության նորանշանակ տնօրենի՝ Արա Խաչատրյանի տանը։ Փաստաբան Ամրամ Մակինյանը տեղեկացրեց, որ առգրավվում են քրեական գործին չառնչվող և ընկերության ռազմավարական զարգացմանը վերաբերող փաստաթղթեր։

Ապրիլի 28-ին Գուրգեն Խաչատրյանը հաղորդել էր, որ երկրի բարձրաստիճան պաշտոնյաների մակարդակով ուղիղ և անուղղակի պահանջ է դրվել իր առջև՝ հանրային ճնշումներով ուղեկցվող ոչ շահավետ առաջարկով օտարել Ucom-ը։ Նա նաև տեղեկացրել էր, որ չհամաձայնվելու դեպքում հստակ հայտնել են, որ կարճ ժամկետում իրեն մեղադրելու են առանձնապես ծանր հանցագործության կատարման մեջ և կալանավորելու են, որին հետևելու է նույնաբնույթ գործողությունների իրականցումը եղբոր, ընտանիքի այլ անդամների, ազգականների, մտերիմների, ինչպես նաև իրենց հետ առնչվող այլ անձանց նկատմամբ։

Եթե հաստատվի, որ Մինասյանը Ucom–ում բաժնեմաս ունի, այն կնվիրաբերվի «Իմ քայլին». պաշտպան

Խաչատրյանների փաստաբանական խումբն ապրիլի 30-ին հրատապ հաղորդագրություն էր հրապարակել` հայտնելով, որ Գուրգեն Խաչատրյանին կալանավորելու որոշում է կայացվել։ Ըստ մեղադրանքի՝ Խաչատրյանն աջակցել է կաշառք ստանալուն։

Հիշեցնենք` Գուրգեն Խաչատրյանը ՀՀ ՊԵԿ նախկին նախագահ, ֆինանսների նախկին նախարար Գագիկ Խաչատրյանի որդին է:

 

Լրահոս
0