Դատարանը բավարարել է Միքայել Մինասյանին կալանավորելու միջնորդությունը

© Sputnik / Asatur YesayantsМикаел Минасян
Микаел Минасян  - Sputnik Արմենիա
Բաժանորդագրվեք
НовостиTelegram
Միքայել Մինասյանն այս պահին Հայաստանում չէ, սակայն նրան կալանավորելու` ՊԵԿ–ի միջնորդությունը դատարանը բավարարել է։

ԵՐԵՎԱՆ, 6 մայիսի — Sputnik. Երևանի ընդհանուր իրավասության դատարանը Վատիկանում ՀՀ նախկին դեսպան, Սերժ Սարգսյանի փեսա Միքայել Մինասյանին կալանավորելու որոշում է կայացրել։

Նիկոլ Փաշինյանի խոսնակը Սերժ Սարգսյանի փեսայի մասին նոր գրառում է արել

Երևանի ընդհանուր իրավասության դատարանի Շենգավիթի նստավայրից տեղեկացրին, որ դատարանը որոշել է բավարարել ՊԵԿ–ի ներկայացրած միջնորդությունը։

Մինասյանի պաշտպան Միհրան Պողոսյանը Facebook սոցցանցի իր էջում անդրադառնալով դատարանի որոշմանը, գրել է, որ դատական ակտին չի ուզում անդրադառնալ, քանի որ դրանում որևէ վերլուծություն չկա ավելի քան 40 օր տևած դատական նիստերի ընթացքում պաշտպանության վկայակոչած բազմաթիվ առարկություններից որևէ մեկի վերաբերյալ։

Հիշեցնենք, որ Միքայել Մինասյանը որպես մեղադրյալ է ներգրավվել Պետական եկամուտների կոմիտեի քննչական վարչությունում քննվող քրգործի շրջանակում միանգամից 3 հոդվածով: Նրա պաշտպաններից Ամրամ Մակինյանը Sputnik Արմենիային հայտնել էր, որ զավեշտ է եղածը, քանի որ տեխնիկական սխալն ապօրինի հարստացում է որակվել։

Вице-спикер Нацсобрания Армении Ален Симонян перед началом заседания Парламентской ассамблеи ОДКБ (5 ноября 2019). Еревaн - Sputnik Արմենիա
Ալեն Սիմոնյանը պատասխանել է Վատիկանում Հայաստանի նախկին դեսպան Միքայել Մինասյանին

Մեղադրանքի անհիմն լինելու հետ կապված պաշտպանն իր տեսակետը ներկայացրել է ինչպես վարույթն իրականացնող մարմնին, այնպես էլ ՀՀ գլխավոր դատախազությանը։

Երեկ Մինասյանը Facebook սոցցանցի իր էջով ուղիղ եթեր էր մտել ու անդրադարձել սոցցանցերում իրեն ուղղված հարցերին, թե ինչու չի վերադառնում Հայաստան։

Միքայել Մինասյանին երեք հոդվածով մեղադրանք է առաջադրվել. մանրամասներ

«Նիկոլ Փաշինյանն արդեն ինձ մեղավոր է համարում և մարդիկ, որոնք կատարում են իր հրամանները, պատրաստ են ինձ կալանավորելու և փակելու` առանց խոսելու հնարավորություն տալու։ Իմ փոխարեն դուք կգայի՞ք։ Իհա՛րկե ոչ»,– ասել էր Մինասյանը։

Նա նաև հավելել էր, որ մի օր կվերադառնա Հայաստան։

Լրահոս
0