ԵՐԵՎԱՆ, 11 մայիսի - Sputnik. Եթե Դատական օրենսգրքի փոփոխություններն ուժի մեջ մտնելուց հետո իրենց չարդարացնեն և դատական համակարգի հանդեպ վստահությունը մնա նույն մակարդակում, ապա անհրաժեշտ կլինի նախաձեռնել Սահմանադրական փոփոխություններ և ներդնել համատարած վեթինգի համակարգ։ Արդարադատության նախարար Ռուստամ Բադասյանը այս մասին ասաց վարչապետ Նիկոլ Փաշինյանի հետ Facebook-ի ուղիղ եթերում քննարկման ժամանակ։
«Վեթինգն անխուսափելիորեն ռիսկեր է պարունակելու։ Բայց այժմ կարևորը չենք քանդում այն դրականը, որը կա գործող արդարադատության համակարգում»,- ընդգծեց նախարարը։
Վարչապետը համաձայնեց Բադասյանի հետ՝ նշելով, որ իր թիմի գաղափարախոսության մեջ կա շանս տալու հնարավորություն։
«Մենք ոչ թե գերանդիով հնձում ենք ամեն ինչ և ամենուր, այլ համակարգերին շանս ենք տալիս, որպեսզի իրենք այդ խնդիրները լուծեն և մենք ունենանք իսկապես անկախ դատական համակարգ, որի անկախության վրա ոչ մեկը չի կասկածի»,- նշեց Փաշինյանը։
«Դատական համակարգը մեծ թվով մասնագետների համար գրավիչ չէ»․ Բադասյան
Հիշեցնենք, որ Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մարտի 18-ին որոշեց Քոչարյանին անձնական երաշխավորությամբ ազատ արձակել։
Դրանից հետո մայիսի 19–ին Նիկոլ Փաշինյանը ժողովրդին կոչ արեց մայիսի 20–ի առավոտյան փակել հանրապետության բոլոր դատարանների մուտքերը։ Ապա հանդես եկավ հայտարարությամբ, որտեղ նշեց, որ Հայաստանում հեղափոխությունը պետք է իր ավարտին մոտեցնել և բարեփոխել դատական համակարգը` վեթինգ իրականացնելով։
«Դատավորների համատարած վեթինգ հնարավոր չէ՝ առանց Սահմանադրությունը փոխելու»․ նախարար
