Գևորգ Գորգիսյանի փոխանցմամբ` «Լուսավոր Հայաստանը» չի քննարկել և չի էլ պատրաստվում քննարկել նման անհեթեթությունը, որովհետև դա նույնն է, որ ջեպկիրին ու նրան, ումից գողացել են, այսինքն` գրպանահատին ու տուժածին, փորձեն նույն հոդվածով դատել։
«Սա ուղղակի աբսուրդ է, ինչը խոսում է քաղաքական անհասունության մասին, սա ցանկացած գնով սեփական հանցանքը քողարկելու և արդարացնելու հերթական դրսևորումն է»,– ասաց «Լուսավոր Հայաստան» խմբակցության քարտուղարը։
Գորգիսյանի համոզմամբ` այս ամենն ի վերջո բերելու ամենաթողության։ Ըստ նրա` հաջորդ քայլը շատ կոշտ տոտալիտարիզմն է, ինչի դեմ «Լուսավոր Հայաստանը» պայքարում է և շարունակելու է պայքարել։
Նրա խոսքով` խորհրդարանական աշխատանքները բոյկոտելու որոշման վերանայման կապակցությամբ կլինի քննարկում և այդ մասին ապագայում կտեղեկացվի հանրությանը։
«Ես չէի սպասում, որ Սասուն Միքայելյանը կխփի». Էդմոն Մարուքյանը խոսեց ԱԺ–ի ծեծկռտուքի մասին
Հիշեցնենք, որ մայիսի 8-ի ԱԺ նիստի ժամանակ ծեծկռտուք տեղի ունեցավ «Լուսավոր Հայաստան» խմբակցության ղեկավար Էդմոն Մարուքյանի և «Իմ քայլի» պատգամավոր Սասուն Միքայելյանի միջև։ Վեճին խառնվեցին նաև կառավարության անդամներն ու փոխվարչապետ Տիգրան Ավինյանը: Փաշինյանը դեպքից ժամեր անց հանդես եկավ հայտարարությամբ` ասելով, որ տեղի ունեցածը սադրանք է։
ԱԺ–ի ծեծկռտուքի առնչությամբ նյութերը կուսումնասիրի ՀՔԾ–ն
Սասուն Միքայելյանն այսօր իր ելույթում ևս ներողություն պահանջեց Մարուքյանից ու նրա եղբորից: Միքայելյանը նաև Մարուքյանին առաջարկեց՝ եթե մանդատը վայր դնելու հարց է բարձրացվում, ապա ինքը պատրաստ է մանդատից հրաժարվել՝ պայմանով, որ Մարուքյանը ևս վայր դնի իր մանդատը:
Իսկ «Իմ քայլը» խմբակցության ղեկավար Լիլիթ Մակունցը, լրացնելով գործընկերոջ առաջարկը, նշեց, որ իրենց մանդատները վայր կդնեն նաև Արտակ Մանուկյանն ու Վահե Ղալումյանը՝ պայմանով, որ նույնը անեն նաև «Լուսավոր Հայաստան» խմբակցության անդամներ Հրանտ Այվազյանն ու Սարգիս Ալեքսանյանը:
Սաֆարյան. «ԱԺ ծեծկռտուքը ցույց տվեց, որ Հայաստանն ունի քաղաքական մշակույթի լուրջ խնդիր»
