45–ամյա էջմիածնեցին նույն օրը մի մարդու հրացանով սպանել է, մեկ ուրիշին` դանակահարել

Բաժանորդագրվեք
НовостиTelegram
Տղամարդը նախ Արմավիրում մտել է մեկի տուն ու կրակել նրա վրա, իսկ հետո Գեղակերտում սեփական այգում դանակահարել մեկ այլ տղամարդու։

ԵՐԵՎԱՆ, 12 մայիսի — Sputnik. ՀՀ քննչական կոմիտեն տեղեկացնում է, որ մայիսի 10-ին մեկ սպանություն և մեկ սպանությասն փորձ է կատարվել նույն անձի կողմից։

«Պարզվել է սպանության փորձերը կատարած անձի ինքնությունը։ Նա Էջմիածին քաղաքի բնակիչ է՝ ծնված 1975թ.: Վերջինս ձերբակալվել է»,–նշված է հաղորդագրության մեջ։

Պարզվել է, որ մայիսի 10-ին՝ ժամը 02:40-ի սահմաններում, մուտք գործելով Արմավիրի Չարենցի փողոցում գտնվող տներից մեկը, իր մոտ պահվող 16 մմ տրամաչափի որսորդական հրացանով նա մեկ կրակոց է արձակել նույն տան 29-ամյա բնակչի ուղղությամբ և դիմել փախուստի: Վերջինս ստացված մարմնական վնասվածքներից տեղում մահացել է: Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ (սպանություն) հոդվածի 1-ին մասի հատկանիշներով:

Клубника в корзине - Sputnik Արմենիա
Գեղակերտում անծանոթ անձը դանակահարել է իր հողամասում ելակ հավաքելու գնացած տղամարդուն

Նույն օրը` ժամը 05:00-ից մինչև 05:30-ն ընկած ժամանակահատվածում, 41-ամյա տղամարդը, Գեղակերտ գյուղի վարչական տարածքում գտնվող իրեն պատկանող հողատարածքում նկատելով անծանոթ անձի, փորձել է պարզել իր հողատարածքում նրա գտնվելու պատճառը։ Անծանոթ տղամարդը, սակայն, դանակով հարվածներ է հասցրել Գեղակերտ գյուղի բնակչի կենսական կարևոր օրգաններին՝ պատճառելով ծանր մարմնական վնաս, ապա դիմել փախուստի:

Դեպքի առթիվ հարուցվել է քրեական գործ՝ ՀՀ քրեական օրենսգրքի 34-104-րդ (սպանության փորձ) հոդվածի 1-ին մասի հատկանիշներով:

Նկատի ունենալով, որ նշված առերևույթ հանցագործությունները կատարվել են նույն անձի կողմից, որոշում է կայացվել հիշյալ քրեական գործերը միացնելու և նախաքննությունը մեկ վարույթում շարունակելու մասին:

Կատարվում են քննչական և դատավարական գործողություններ՝ դեպքի բոլոր հանգամանքները պարզելու ուղղությամբ:

Լոռու մարզում 15-ամյա տղան հոր աչքի առաջ դանակահարել է համագյուղացուն

Լրահոս
0