Կորոնավիրուսն ու ներկրումը. ինչպես կանդրադառնա Covid-19-ը հացի ու հավի գների վրա

© Sputnik / Asatur YesayantsГород во время чрезвычайной ситуации (25 марта 2020). Ереван
Город во время чрезвычайной ситуации (25 марта 2020). Ереван - Sputnik Արմենիա
Հայաստանցի փորձագետներն ու մատակարարներն ուշադիր հետևում են կորոնավիրուսի համավարակի հետ կապված իրավիճակի զարգացումներին։ Քանի որ այդ տվյալներից են կախված հացահատիկի ու խառը կերի գները։

ԵՐԵՎԱՆ, 13 մայիսի – Sputnik, Լաուրա Սարգսյան․ Համավարակը չի ազդի Հայաստանում հացի, թռչնի մսի ու ձվի ինքնարժեքի վրա, ու դա իր հստակ պատճառներն ունի։ Sputnik Արմենիայի հետ զրույցում «Մանանա Գրեյն» ալյուր արտադրող խոշորագույն ընկերության տնօրեն Գուրգեն Նիկողոսյանն ասաց, որ ներկրողները հասցրել են ժամանակին Ռուսաստանից հարկ եղած քանակի հացահատիկ գնել։

Человек, считающий деньги - Sputnik Արմենիա
Խոշոր պետությունները վերացնում են սահմանափակումները․ դոլարի փոխարժեքն աճում է

«Համավարակի պատճառով հացահատիկի գներն աճել են. մեկ շաբաթվա մեջ` մեկ տոննայի դիմաց 25 դոլարով, սակայն մեր ընկերությունը նախապես 25 հազար տոննա հացահատիկ է գնել», - ասաց Նիկողոսյանը։

Նրա խոսքով՝ հացահատիկի մի մասն արդեն Հայաստանում է, մյուսը՝ ճանապարհին է, հերթական խմբաքանակը 15 օրից մեր երկրում կլինի։ Նիկողոսյանը նշեց, որ ընկերությունն առաքման հետ կապված խնդիր չի ունեցել։ Այդ հարցում շատ դրական է ազդել ԵԱՏՄ-ի գործոնը։

Հացահատիկը ծովային և ցամաքային ճանապարհով է Հայաստան գալիս։

«Ծովային տարբերակն ավելի ժամանակատար է ու թանկ, ցամաքայինը՝ արագ ու էժան։ Սակայն մենք կարողացել ենք համատեղել ու մեկը մյուսով փոխհատուցել, որ արդյունքում դա չազդի ալյուրի և համապատասխանաբար՝ հացի գնի վրա», - ասաց Նիկողոսյանը։

Կարանտինն արդյունավետ չէր, անցնում ենք «շվեդական մոդելի». ի՞նչ է կատարվում Հայաստանում

Ծովով հացահատիկը Ռուսաստանի նավահանգիստներից է գալիս (Եսկ, Ազով, Ռոստով` խմբ․), այնտեղից նավով հասնում է վրացական Փոթի կամ Բաթումի նավահանգիստներ, հետո երկաթուղով՝ Երևան։ Դա մոտ 15 օր տևում է, իսկ գինը մեկ տոննայի դիմաց 25-30 դոլարով ավելի թանկ է նստում։

Մեքենայով հացահատիկի տեղափոխումը չորս օր է տևում։ Բեռնատարը բեռնում են Ռուսաստանի քաղաքներից մեկում, այն հասնում է Ստավրոպոլ, այնտեղից՝ ուղիղ Երևան, «Վերին Լարս» անցակետով։

Девушка держит медицинскую маску  - Sputnik Արմենիա
ՏՄՊՊՀ–ն հրապարակել է ձեռքի ախտահանիչ միջոցների և դիմակների գների մոնիթորինգի արդյունքները

Մեկ տոննան 190 դոլար է արժենում։ Սակայն բերքահավաքից հետո իրավիճակը կարող է փոխվել։ Դեռ դժվար է կանխատեսել՝ որքան կարժենա հացահատիկն այդ ժամանակ։

Թռչնաբույծների միության նախագահ Սերգեյ Ստեփանյանը Sputnik Արմենիայի հետ զրույցում հայտնեց, որ թռչնամսի ու ձվի գները դեռ չեն աճել ու ապագայում գնաճի ոչ մի նախադրյալներ չկան։

«Չի փոխվել նաև խառը կերի սկզբնական գինը, սակայն համավարակի պատճառով այն ավելի դժվար է ներկրել», - նշեց Ստեփանյանը։

Թռչնաբույծներն ու խոզաբույծներն նախկինում օրական խառը կերով բեռնված 80-ից 100 մեքենա էին բերում։ Հիմա ծավալը երկու անգամ կրճատվել է, ինչը հանգեցրել է մեկ կիլոգրամի 14-15 դրամով թանկացմանը։ Սակայն դա չի անդրադարձել մթերքի գների վրա։

Կորոնավիրուսը չի նահանջում, գները շարունակում են աճել, կանխատեսումները ևս լավատեսական չեն

Եվս մեկ դժվարությունն այն է, որ ընկերությունները, որոնցից գնումներ են անում մեր ներկրողները, գումարը սկզբում են պահանջում։ Նախկինում նրանք գնում էին հացահատիկը, իսկ գումարը վճարում էին ապրանքը սպառելուց հետո։

Ընդհանուր առմամբ տարեկան 320-ից 350 տոննա հացահատիկ է Հայաստան բերվում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала