Հայաստանում ևս 4 մարդ է մահացել կորոնավիրուսից, բոլորը տղամարդիկ են

© Sputnik / Asatur Yesayants«Սուրբ Աստվածամայր» հիվանդանոց
«Սուրբ Աստվածամայր» հիվանդանոց - Sputnik Արմենիա
Բաժանորդագրվեք
НовостиTelegram
Արձանագրվել է մահվան ևս 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:

ԵՐԵՎԱՆ, 22 մայիսի – Sputnik. ՀՀ առողջապահության նախարարությունը տեղեկացնում է, որ վերջին մեկ օրում Հայաստանում 4 մարդ է մահացել կորոնավիրուսից։

«Մահացածները տղամարդիկ են` 52, 81, 61 և 82 տարեկան։ Նրանք բոլորն ունեցել են ուղեկցող խրոնիկական հիվանդություններ»,–նշված է հաղորդագրության մեջ։

Նշենք, որ մայիսի 22-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 5928 դեպք, 2874 մարդ առողջացել է, մահվան 74 դեպք է գրանցվել: Կորոնավիրուսային հիվանդությամբ այս պահին փաստացի բուժում է ստանում 2952 պացիենտ: Կատարվել է 47 654 թեստավորում:

Врач с пробиркой биоматериала после тестирования на коронавирус - Sputnik Արմենիա
Աշխարհում կորոնավիրուսով վարակման ավելի քան 5,1 մլն դեպք է հայտնաբերվել. նոր տվյալներ

Նախորդ օրը արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 28 է։

Հիշեցնենք, որ վերջին մեկ օրում ունենք կորոնավիրուսային հիվանդությամբ հաստատված 322 նոր դեպք և 293 առողջացած։

Սուրեն Պապիկյանի կորոնավիրուսի թեստի պատասխանը հայտնի է

Լրահոս
0