Շիրակի մարզի Գյումրի քաղաքի Աբովյան փողոցի տներից մեկի տանիքում հրդեհ է բռնկվել: Տեղեկությունը հաղորդում է ԱԻՆ մամուլի ծառայությունը։
Նշվում է, որ Ճգնաժամային կառավարման ազգային կենտրոնում հրդեհի մասին ահազանգը ստացել են մայիսի 21-ին, ժամը 18։11-ին։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ:
Հրդեհը մեկուսացվել է ժամը 18:38-ին, մարվել՝ 19:37-ին:
Ամբողջությամբ այրվել են տան մանսարդային տանիքը (120 քմ), 4 պատուհան, 1 դուռ, կուտակած փայտ (մոտ 3 խմ) և կենցաղային իրեր։