ԵՐԵՎԱՆ, 24 մայիսի — Sputnik. ՀՀ առողջապահության նախարարի խորհրդական Աշոտ Սարգսյանը հայտնում է, որ կորոնավիրուսով վարակված ամենափոքրիկ պացիենտին այսօր տուն են ճանապարհել։ Ուրախալի լուրը Սարգսյանը հայտնել է Facebook սոցցանցի իր էջում գրառում կատարելով և բժշկի ու փոքրիկի լուսանկարը հրապարակելով։
Դիմակը կարևոր է. կառավարությունում քննարկել են կորոնավիրուսի կանխարգելման աշխատանքները
«Մեր ամենափոքրիկ պացինետը` 13 օրական, կրկնակի թեստը բացասական, գնաց տուն»,–լուսանկարին կից գրել է Սարգսյանը։
Նա հայտնել է նաև, որ երեխայի հետ լուսանկարում հոգատար բժշկուհի Սոնա Եգանյանն է։
Հիշեցնենք, որ մայիսի 21–ին ՀՀ առողջապահության նախարար Արսեն Թորոսյանն իր ասուլիսի ժամանակ հայտնել էր, որ ՀՀ–ում կորոնավիրուսով վարակված 270 երեխա և 27 հղի կա։ Նախարարը նշել էր, որ սեփական փորձով տեսնում են` երեխաները կորոնավիրուսային հիվանդությունը շատ թեթև են տանում։ Նրա խոսքով` հղիները ևս կորոնավիրուսային հիվանդությունը թեթև են տանում։
Ռուս գիտնականները կորոնավիրուսի դեմ պատվաստանյութը փորձարկել են իրենց վրա
Նշենք նաև, որ երեկ հայտնի դարձավ, որ բուժվել և տուն է գնացել 96-ամյա մի պապիկ` Սերյոժա Ստեփանյանը։
Վերջին մեկ օրում ունենք կորոնավիրուսային հիվանդությամբ հաստատված 359 նոր դեպք և 128 առողջացած։
