Եվս մեկ չարտերային չվերթ. ՀՀ քաղաքացիները կարող են տոմս գնել ու վերադառնալ Մոսկվայից

© Sputnik / Andranik GhazaryanСамолет авиакомпании Red Wings в аэропорту "Звартноц"
Самолет авиакомпании Red Wings в аэропорту Звартноц - Sputnik Արմենիա
Բաժանորդագրվեք
НовостиTelegram
Մինչև երկու տարեկան երեխաների տոմսերն անվճար են, իսկ մեծերն իրենց ուղևորատոմսի համար 13 հազար ռուբլի են վճարել։

ԵՐԵՎԱՆ, 29 մայիսի- Sputnik. Ռուսաստանի Դաշնությունում գտնվող ՀՀ քաղաքացիների հայրենիք վերադարձի գործընթացի կազմակերպումը շարունակվում է։ Ռուսաստանում Հայաստանի դեսպանությունը հայտնում է, որ մայիսի 31-ին «Դոմոդեդովո» օդանավակայանից նախատեսված է Մոսկվա-Երևան հերթական չարտերային թռիչքը։ Այն տեղական ժամանակով 18։00-ին կիրականացնի «Ռեդ Վինգս» ավիաընկերությունը։

Пассажир с багажом в аэропорту Звартноц - Sputnik Արմենիա
Չարտերային չվերթն իրականացվել է. Կիևից 144 մարդ է ժամանել Երևան

«Հերթերից խուսափելու նպատակով ցուցակագրված քաղաքացիները, որոնց հետ հաստատվել է հեռախոսակապ և որոնք վերհաստատել են մեկնելու` իրենց պատրաստակամությունը, կարող են այս չվերթի տոմսերը ձեռք բերել «Դոմոդեդովո» օդանավակայանի N 94 տոմսարկղից մայիսի 30-ին (ժամը՝ 09։00-ից 22։00-ն) և մայիսի 31-ին ժամը՝ 09։00-ից մինչև 14։00-ն։ Ավիատոմսի արժեքը՝ 13 հազար ռուբլի»,- նշված է դեսպանության տարածած պաշտոնական հաղորդագրության մեջ։

Դեսպանությունը տեղեկացնում է, որ ավիատոմսի արժեքում ներառվում է մինչև 23 կգ կշռող մեկ կտոր ուղեբեռ և մինչև 8 կգ կշռող մեկ կտոր ձեռքի ուղեբեռ։ Տեղեկացվում նաև, որ մինչև երկու տարեկան երեխաների տոմսերն անվճար են. ուղեբեռ ներառված չէ։

Հայտնի են Մոսկվա-Երևան, Մինսկ-Երևան-Մինսկ չվերթերի օրերն ու ժամերը

Տեղեկացնենք, որ չվերթի համար հաշվառումը կմեկնարկի մայիսի 31-ին՝ տեղական ժամանակով 15։00-ին։ Հաշվառման սեղանները 23-33-ն են։

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, ՀՀ քաղաքացիների տարհանման հատուկ չվերթեր են իրականացվել, մասնավորապես՝ Մոկսվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց ինքնամեկուսացման պահանջ է ներկայացվում։

Brussels Airlines-ը վերսկսում է Երևան-Բրյուսել-Երևան կանոնավոր չվերթերը

Լրահոս
0