Ամենահարուստները. Քարդաշյանի քույրն ու ամուսինը գլխավորել են «փողոտ» աստղերի վարկանիշը

ԵՐԵՎԱՆ, 5 հունիսի –Sputnik. Շոու բիզնեսի ամենաբարձր վարձատրվող աստղը Քիմ Քարդաշյանի կրտսեր քույրն է`Քայլի Ջեները, որը 590 մլն դոլար է աշխատել։ Տեղեկությունը հայտնում է Forbes–ը։

Forbes–ի կազմած վարկանիշի երկրորդ հորիզոնականում է հայտնի ռեփեր, «Քարդաշյանների ընտանիքը» ռեալիթի շոուի աստղ Քիմ Քարդաշյանի ամուսինը` Քանյե Ուեսթը։ Ռեփերը 170 մլն դոլար է վաստակել, եկամտի ամենամեծ մասը Adidas–ի հետ Yeezy սպորտային կոշիկների արտադրության գործարքից։

Երրորդ հորիզոնականում է թենիսիստ Ռոջեր Ֆեդերերը, որի եկամուտը կազմել է 106.3 մլն դոլար։ Նա առաջին թենիսիստն է, որը մարզիկների շարքում առաջին հորիզոնականն է զբաղեցրել։

Պորտուգալացի ֆուտբոլիստ Քրիշտիանու Ռոնալդուն թիմային սպորտաձևի ներկայացուցիչներից առաջինն է, որն իր կարիերայի ընթացքում 1 մլրդ դոլար է վաստակել։

Ժլատ և պահանջկոտ. Քանյե Ուեսթի նախկին թիկնապահը պատմել է աստղի քմահաճույքների մասին

Ամենաբարձր վարձատրվող 100 հայտնիները ընդհանուր առմամբ 6.1 մլրդ են աշխատել, ինչը 200 մլն դոլարով քիչ է անցած տարվա վարկանիշի համեմատ։