«Ոստիկանների գործողությունն իրավաչափ եմ համարում». Սարգսյանը` աղմկահարույց դեպքի մասին

© Sputnik / Andranik GhazaryanИ.о. начальника полиции Арман Саркисян прибывает к БЦ "Эребуни плаза", где произошел инцидент со стрельбой (23 января 2020). Еревaн
И.о. начальника полиции Арман Саркисян прибывает к БЦ Эребуни плаза, где произошел инцидент со стрельбой (23 января 2020). Еревaн - Sputnik Արմենիա
Բաժանորդագրվեք
Արման Սարգսյանն անդրադարձավ դիմակ չդնելու համար քաղաքացուն բերման ենթարկող ոստիկանների գործողություններին։ Նրա խոսքով` երբ ոստիկանությունն ուժ չի կիրառում, ասում են` փափուկ խաղալիք են։

ԵՐԵՎԱՆ, 5 հունիսի – Sputnik. ՀՀ ոստիկանապետ Արման Սարգսյանը դիմակ չդնելու համար քաղաքացուն բերման ենթարկող ոստիկանների գործողություններն իրավաչափ է համարում։ Սարգսյանը նման կարծիք հայտնեց Ազգային ժողովում Պաշտպանության և անվտանգության հարցերի մշտական հանձնաժողովի նիստի ժամանակ` անդրադառնալով այսօր տարածված տեսանյութին։

«Ոստիկանության ծառայողների գործողությունների իրավաչափությունը միանշանակ կստուգվի, բայց ես շատ իրավաչափ եմ համարում դրանք։ Ոստիկանները քաղաքացուն ընդամենն ասում են՝ կատարիր պարետի որոշման պահանջները։ Այն քաղաքացին, որը համակեցության կանոնների դեմ փորձում է ընդվզել և, ոստիկանին հրահրելով, ներքաշել ինչ-որ բաների մեջ, ապա, կներեք, բայց ոստիկանները ճիշտ են անում»,–ասաց Սարգսյանը։

Նրա խոսքով` եթե նույն գործողությունը կատարեն մեկի նկատմամբ, որը ոչինչ չի արել, անպայման այդ ոստիկանը կպատժվի անմեղ մարդու պատիվը նսեմացնելու համար:

Полицейские на улице Григора Лусаворича - Sputnik Արմենիա
Այս փոփոխության մասին մեր ծառայողները նախկինում ուղղակի կերազեին. ՀՀ ոստիկանապետ

Սարգսյանը նշեց` ոստիկանն ունի ուժ կիրառելու լիազորություն, և որտեղ համարեն, որ պետք է ուժ կիրառել, այդ քայլին էլ պետք է դիմեն։ Նրա խոսքով` մարդիկ երկու ծայրահեղության մեջ են ընկում. երբ ոստիկանությունն ուժ չի կիրառում, ասում են` փափուկ խաղալիք եք, իսկ երբ կիրառում են, դա բռնություն են որակում։

Հեղափոխական ցուցանիշ. որքան է կազմել ոստիկանների միջին աշխատավարձը

Ոստիկանապետը հայտնեց նաև, որ որոշակի տվյալներ ունի բերման ենթարկված անձի նկատմամբ, սակայն հիմա չի ուզում հայտնել որևէ բան։

Հիշեցնենք, որ այսօր Facebook-յան օգտատեր Մանուել Մանուկյանը տեսանյութ էր հրապարակել` հայտնելով, որ Երևանի այգիներից մեկում ոստիկանները ուժ են կիրառել դիմակ չունեցող քաղաքացու նկատմամբ։

Այս տարի սպանության չբացահայտված դեպք չկա. ՀՀ ոստիկանապետը բացառեց թվերի «նկարչությունը»

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հունիսի 4-ից բոլոր հանրային բաց տարածքներում պաշտպանիչ դիմակով լինելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала