ԵՐԵՎԱՆ, 8 հունիսի – Sputnik. ՀՀ Տարածքային կառավարման և ենթակառուցվածքների նախարար Սուրեն Պապիկյանն այսօր ԱԺ–ում ասաց, որ ՀՀ կառավարությունը М6 միջպետական ավտոճանապարհի վերանորոգման համար նախատեսվածից շուրջ 15 մլն դոլարի խնայողություն է ակնկալում:
Նրա խոսքով` այժմ բանակցություններ են ընթանում ավելացած գումարը M6-ը սնուցող տարբեր ուղղությունների վրա ծախսելու համար:
Փոխարենը նախարարը դժգոհ է շինարարության նկատմամբ տեխնիկական հսկողություն իրականացնող ընկերությունների աշխատանքի որակից:
«Մենք հստակ գնահատական ենք տվել, որ ճանապարհաշինության տեխնիկական հսկողություն իրականացնող ընկերությունների աշխատանքը բավարար չէ: Սա այն կարևոր օղակն է, որը երաշխավորելու է որակյալ շինարարություն: Ընթացիկ վերահսկողության իրականացումը հենց իրենց կողմից պետք է լինի, ոչ թե մեր գերատեսչության»,- ասաց Պապիկյանը:
Քարուքանդ ճանապարհները խանգարում են. Արփի լիճն ավելի գրավիչ կդառնա զբոսաշրջիկների համար
Նախարարի խոսքով` նոր նորմերով` վերահսկող ընկերությունները որակի դիմաց ավելի մեծ գումարներ վաստակելու հնարավորություն են ունենալու, ինչով էլ պայմանավորված է լինելու որակյալ աշխատելու` նրանց ձգտումը:
Վայոց ձորում և Տավուշում կվերականգնվի երկու կարևոր ճանապարհահատված
