ԵՐԵՎԱՆ, 9 մայիսի - Sputnik. ՀՀ առողջապահության նախարար Արսեն Թորոսյանը Facebook-ի իր էջում շնորհակալություն է հայտնել վրաստանաբնակ հայրենակիցներին, որոնք նոր կորոնավիրուսի դեմ պայքարի շրջանակում Հայաստանին նվիրաբերել են արհեստական շնչառական սարքեր։
«Շնորհակալ եմ Վրաստանի մեր հայրենակիցներին: Իրոք, այս սարքերով մեր պացիենտները շնչում են` բառի ուղիղ և փոխաբերական իմաստներով»,- գրել է նա:
Վրաստանում Հայաստանի դեսպանատունն էլ տեղեկացնում է, որ դեսպանատան աջակցությամբ թվով 27 արհեստական շնչառական սարքերը բարեհաջող տեղ են հասել:
«Վրաստանում ՀՀ դեսպանությունը կազմակերպեց շնչառական սարքերի տեղափոխումը Հայաստան»,- նշված է հաղորդագրության մեջ։
Նշենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 350–ով և դարձել 13 675։
Այս պահին փաստացի բուժում է ստանում 8933 մարդ, կատարվել է 71 405 թեստավորում, առողջացել են վարակվածներից 4451-ը։
Ընդհանուր առմամբ գրանցվել է 217 մահվան դեպք։ Այլ պատճառներով մահվան դեպքերի թիվը 74 է։
