Մանվել Գրիգորյանի առողջական վիճակը կտրուկ վատացել է. նա կորցրել է գիտակցությունը

© Sputnik / Asatur YesayantsМанвел Григорян на судебном заседании по своему делу (25 июня 2019). Еревaн
Манвел Григорян на судебном заседании по своему делу (25 июня 2019). Еревaн - Sputnik Արմենիա
Բաժանորդագրվեք
Մանվել Գրիգորյանի փաստաբանը հայտնեց, որ այս պահին շտապօգնության երկու բրիգադ է աշխատում տեղում` օգնելով պաշտպանյալին։

ԵՐԵՎԱՆ, 9 հունիսի – Sputnik. Այսօր կտրուկ վատացել է ԱԺ նախկին պատգամավոր, ԵԿՄ նախկին նախագահ Մանվել Գրիգորյանի առողջական վիճակը։ Sputnik Արմենիայի հետ զրույցում տեղեկությունը հայտնեց Գրիգորյանի պաշտպան Լևոն Բաղդասարյանը։

«Քիչ առաջ ինձ հայտնեցին, որ Գրիգորյանի ինքնազգացողությունը վատացել է` նա սրտի հետ կապված խնդիրներ ունի։ Մանվել Գրիգորյանը կորցրել է գիտակցությունը»,–ասաց փաստաբանը։

Манвел Григорян и адвокат Арсен Мкртчян на судебном заседании по своему делу (25 июня 2019). Еревaн - Sputnik Արմենիա
Մանվել Գրիգորյանի ամառանոցում հայտնաբերված մեքենաներն ու սնունդը փոխանցվել են ԵԿՄ–ին

Նրա խոսքով` այս պահին շտապօգնության երկու բրիգադ է աշխատում տեղում, որից մեկը հենց սրտի հետ կապված։ Բաղդասարյանը հայտնեց` Գրիգորյանն այս պահին կաթիլային է ստանում։

Պաշտպանի խոսքով` վաղը հանդես կգան հայտարարությամբ, իսկ հիմա կարող է ասել մեկ բան` այս ամենն առողջապահության նախարարի անգործության հետևանքն է։

Հիշեցնենք, որ օրերս Գրիգորյանի պաշտպանները դատական հայց են ներկայացրել առողջապահության նախարարության դեմ։ Հայցը Ֆրանսիայի Վալ Դ՛Օրի բժշկական կենտրոնում հետագա հետազոտություններն ու բուժումը ստանալու հարցը քննարկելու նպատակով բժշկական հանձնաժողով հրավիրելու և համապատասխան եզրակացություն տալու պարտավորեցնող պահանջով է։

Համայնքապետներն ուզում են Մանվել Գրիգորյանից հետ ստանալ իրենց հողերը. 40 գործարք է եղել

Մանվել Գրիգորյանը մեղադրվում է ապօրինի կերպով զենք-զինամթերք պահելու, 101.232.917 ՀՀ դրամի գույք յուրացնելու, 1.228.176.342 ՀՀ դրամի հարկերի վճարումից խուսափելու, պետական միջոցներից 1.225.003.300 ՀՀ դրամ վատնելու և շորթմամբ 37․101․100 ՀՀ դրամ արժողությամբ գույքի հափշտակությունը կազմակերպելու մեջ: Նա 1.5 տարի կալանքի տակ էր։

Երևան քաղաքի ընդհանուր իրավասության դատարանը հունվարի 15-ին, ելնելով նրա առողջական վիճակից, որոշեց խափանման միջոց կալանավորումը փոխել չհեռանալու մասին ստորագրությամբ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала