ԵՐԵՎԱՆ, 15 հունիսի - Sputnik. Մեզ պետք է ոչ թե սահմանադրական փոփոխութուններ անել, այլ նոր Սահմանադրություն ընդունել: Այսօր Սահմանադրական բարեփոխումների հանձնաժողովի նիստում իր ելույթում նման հայտարարություն արեց ՀՀ վարչապետ Նիկոլ Փաշինյանը:
«Սովորաբար բարեփոխումներն արվում են քաղաքական նպատակահարմարությունից ելնելով: Մենք այդպիսի փորձ ունենք: Եվ այդ քաղաքական նպատակահարմարույունների մեջ շատ մեծ դեր են կատարում կոնկրետ տեքստերը, կառուցակարգերը կոնկրետ անձանց շրջանակին համապատասխանեցնելը»,- ասաց նա:
Փաշինյանը, սակայն, շեշտեց, որ այս պահին նոր Սահմանադրություն ունենալը ոչ թե քաղաքական, այլ պետական անհրաժեշտություն է:
«Խորհրդային ժամանակներից կար այդպիսի ընկալում. կար ստալինյան Սահմանադրություն, կար բրեժնևյան սահմանադրություն, և այս իներցիաներով մենք, ցավոք, շարունակել ենք այդ պրոցեսը, և ամեն անգամ սահմանադրությունների տեքստերը Հայաստանում ավելի կամ պակաս չափով արդարացված ձևով կապվել են անձերի, քաղաքական խմբերի, ապագայի հանդեպ նրանց ունեցած խմբային պատկերացումների հետ: Մենք այսօր հնարավորություն ունենք այս շղթան կտրել, որովհետև սահմանադրական հանձնաժողովը թեև ձևավորվել է վարչապետի որոշմամբ, բայց դրա կազմում շատ քիչ են մարդիկ, ովքեր մեզ հետ ունեն քաղաքական առնչություն»,- ասաց վարչապետը:
Անդրադառնալով նոր Սահնադրության փոփոխություններին՝ Փաշինյանն ընդգեց, որ կառավարման կարգի փոփոխություն, իր կարծիքով՝ չպիտի լինի, քանի որ խորհրդարանական կառավարման համակարգը Հայաստանում դեռ պետք է կայանա:
ՀՀ-ում ՌԴ քաղաքացիները կմասնակցեն սահմանադրական հանրաքվեին. Կոպիրկինն ասել է՝ ինչպես
Ինչ վերաբերում է դատական համակարգին, ՀՀ վարչապետը վկայակոչեց միջազգային զեկույցներում Հայաստանի դատական համակարգի մասին հաճախ հանդիպող այն դիտարկումը, թե այն չունի բավարար վստահելիություն: Բացի այլ ռիսկերից, ըստ Փաշինյանի, սա մեծ ռիսկ է հատկապես օտարերկրյա ներդրողների համար:
Գալով Սահմանադրական դատարանի խնդրին, Փաշինյանը նշեց, որ ՀՀ դատական պատմության մեջ մի քանի անգամ հստակ արտացոլվել է, որ ՍԴ-ի և Վճռաբեկ դատարանների միջև կա ընկալումների որոշակի խզում, ինչն իր համոզմամբ, դրական ազդեցույուն չի թողնում ՀՀ դատական համակարգի վրա:
Նոր Սահմանադրության ընդունման մասին վերջին խոսքը և մասնագիտական գնահատականն, ըստ Փաշինյանի, Սահմանադրական բարեփոխումների հանձնաժողովինն է, որոշումը՝ ՀՀ ժողովուրդինը:
Իսկ Սահմանադրական հանրաքվեի ժամկետի ու կորոնավիրուսի համավարակի հարցը, վարչապետի խոսքով, հնարավոր է, որ առաջիկայում լուծվի առցանց քվեարկույան հուսալի համակարգի ներդրմամբ:
Սահմանադրական փոփոխությունների «Այո»-ի շտաբի պետ, տարածքային կառավարման ու ենթակառուցվածքների նախարար Սուրեն Պապիկյանը հունիսի 10-ին ԱԺ-ում լրագրողների հետ ճեպազրույցում ասել էր, որ սահմանադրական փոփոխությունների քաղաքական ծրագրից գործող իշխանությունը չի հրաժարվել: Նա նաև շեշտել էր, որ դրա իրագործման համար հանրաքվեից զատ կան նաև այլ իրավական ճանապարհներ, որոնցից մեկն էլ հարցը ԱԺ-ում քննարկելն ու լուծում տալն է:
«Իմ կողմից բոլոր գործողություններն արվել են». Բադասյանը` հնչող քննադատությունների մասին
Հիշեցնենք՝ սահմանադրության փոփոխությունների հանրաքվեով առաջարկվում էր դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ հայտարարված արտակարգ դրության պատճառով:
