ԵՐԵՎԱՆ, 15 հունիսի – Sputnik. RT-ի գլխավոր խմբագիր Մարգարիտա Սիմոնյանի բջջային հեռախոսահամարը հայտնվել է անհայտ անձանց ձեռքում, որոնք հրապարակել են այն համացանցում։ RT-ի փոխանցմամբ՝ Սիմոնյանն այս տեղեկությունը հայտնել է Telegram-ի իր ալիքում։
«Կատակասեր մարդիկ հրապարակել են իմ հեռախոսահամարը (թեև բոլորը, այդ թվում՝ Բաշիրովն ու Պետրովը, գիտեն այն) համացանցում, ու հիմա իմ համարով կասկածելի նամակագրություն են վարում բազում բաժանորդների հետ, որոնք շփոթված ինձ են զանգում», - գրել է նա։
Նա կոչ է արել ուշադիր լինել այդ կապակցությամբ։
«Եթե ձեզ թվում է, որ դա ես չեմ, ամենայն հավանականությամբ՝ դա ես չեմ», - ավելացրել է նա։
«Սենսացիաներ չեմ սիրում, բայց․․․». Մարգարիտա Սիմոնյանը COVID-ի մասին ցնցող գրառում է արել
Երեկ Սիմոնյանը հրապարակում էր արել, որ իրավաբանական խորհրդատվություն առաջարկող մի քանի զանգ է ստացել․ «Սա իրավաբանական խորհրդատվություն է, ձեր համարից հայտ է եկել, ինչո՞վ կարող ենք օգնել»,–ասել էին նրան։
Մարգարիտա Սիմոնյանը կարծում է, որ իր հեռախոսահամարը կարող է խաբեբաների ձեռքում հայտնված լինել։
Մարգարիտա Սիմոնյանը բացահայտել է ԱՄՆ-ի բժշկական համակարգի մասին միֆը
