Դատարանի բակում լարված իրավիճակ է. Վանեցյանը եկել է աջակցելու Ծառուկյանին

© Sputnik / Asatur YesayantsАртур Ванецян перед зданием суда, где проходит судебное заседание по делу Гагика Царукяна (17 июня 2020). Еревaн
Артур Ванецян перед зданием суда, где проходит судебное заседание по делу Гагика Царукяна (17 июня 2020). Еревaн - Sputnik Արմենիա
Բաժանորդագրվեք
Yandex newsTelegram
Դատարանի բակում են նաև ՀՅԴ և «Մեկ Հայաստան» կուսակցությունների անդամները, որոնք ևս նշեցին, որ եկել են իրենց աջակցությունը հայտնելու Գագիկ Ծառուկյանին:

ԵՐԵՎԱՆ, 17 հունիսի –Sputnik. Քիչ առաջ Երևանի ընդհանուր իրավասության դատարանի մոտից ոստիկանությունը բերման ենթարկեց ԲՀԿ երիտթևի մի քանի անդամների, որոնք փորձում էին ի նշան բողոքի փակել Արշակունյաց պողոտան:

Депутат Ивета Тоноян у здания суда, где проходит судебное заседание по делу Гагика Царукяна (17 июня 2020). Еревaн - Sputnik Արմենիա
«Պատրաստ ենք ցանկացած սցենարի». ԲՀԿ–ի երիտթևի ներկայացուցիչներին բերման ենթարկեցին

Ակտիվիստներին բերման ենթարկելուց հետո ակցիան դադարեցվեց:

Դատարանին հարակից տարածքը բավական բազմամարդ է: Ոստիկանները պարբերաբար զգուշացնում են պահպանել սոցիալական հեռավորություն:

Դատարանի բակում է նաև «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը:

Նա հայտնեց, որ Գագիկ Ծառուկյանի հետ կատարվողը քաղաքական ենթատեքստ ունի ու քաղաքական պատվեր է: Նրա խոսքով` քաղաքական պատվեր են նաև ԲՀԿ նախկին պատգամավոր Էդուարդ Բաբայանի և «Մուլտի Գրուպ կոնցեռնի» տնօրեն Սեդրակ Առուստամյանի նկատմամբ մեկ տարի առաջ հարուցված քրեական գործերը:

«Վերջին շրջանում ՀՀ-ում իրականացվող ապօրինի ու քաղաքական նպատակ հետապնդող հետապնդումները կարող են հիմք տալ մտածելու, որ իմ նկատմամբ ևս կիրականացվի որևէ գործողություն»,- ասաց Վանեցյանը՝ պատասխանելով հարցին, թե մտավախություն չունի՞ արդյոք, որ իր նկատմամբ էլ քաղաքական ճնշումներ կլինեն:

Վանեցյանը նշեց, որ օրինական ճանապարհով իր նկատմամբ քրեական որևէ հետապնդում լինել չի կարող, քանի որ ինքը ոչ մի ապօրինի բան չի արել:

Заседание Национального Собрания РА (1 ноября 2018). Ереван - Sputnik Արմենիա
Փաշինյանը խոսեց «անգլուխ» մնացած նախարարությունից ու «ղազագիր» գրած քաղաքական գործիչներից

Նշենք, որ դատարանի բակում են նաև ՀՅԴ և «Մեկ Հայաստան» ընդդիմադիր կուսակցությունների անդամները, որոնք ևս նշեցին, որ եկել են իրենց աջակցությունը հայտնելու Գագիկ Ծառուկյանին:

Հիշեցնենք, որ ԱԺ–ն երեկ որոշեց Ծառուկյանին անձեռնմխելիությունից զրկել ու թույլատրել նրա նկատմամբ քրեական հետապնդում իրականացնել։
ՀՀ ԱԱԾ-ն հունիսի 14-ի վաղ առավոտից խուզարկություն էր իրականացրել ԲՀԿ առաջնորդ, պատգամավոր Գագիկ Ծառուկյանի Առինջի առանձնատանը:

Հայտնի է, թե ինչ քրգործի շրջանակներում է հարցաքննության ծանուցում ստացել Ծառուկյանի որդին

Դեռ հունիսի 14-ին Ծառուկյանի հարցաքննության ընթացքում ԱԱԾ-ն հանդես եկավ մի քանի պաշտոնական հայտարարություններով, որտեղ ներկայացրեց Ծառուկյանի նկատմամբ կատարված քննչական գործողությունների իրավական հիմքերն ու հարուցված 3 քրեական գործեր:

И.о. премьер-министра Армении Никол Пашинян принял участие в конференции Инвестиции и торговля (26 октября 2018). Еревaн - Sputnik Արմենիա
«Մենք իրենց կսովորեցնենք խոսելու ձևը». Փաշինյանը ներկայացրեց Ծառուկյանների քրգործերը

Առաջին քրեական գործը վերաբերում է «Շանգրի Լա» և «Օնիրա Քլաբ» խաղատներին, որի համաձայն` դրանց ապօրինի ձեռնարկատիրական գործունեության հետևանքով պետությանը հասցվել է շուրջ 30 մլրդ դրամի վնաս: Երկրորդ քրգործը վերաբերում է 2017թ-ի խորհրդարանական ընտրություններին: Ըստ գործի նյութերի` ԲՀԿ-ն հարյուր հազարների ընտրակաշառք է բաժանել:

Իսկ երրորդ քրեական գործը վերաբերում է Կոտայքի Առինջ համայնքում Ծառուկյանին պատկանող «Նյու» ընկերությանն օտարված հողատարածքին: Առինջի գյուղապետի ու ավագանու անդամների անօրինական որոշումների արդյունքում, ըստ գործի, համայնքին պատճառվել է շուրջ 400 մլն դրամի վնաս: Երեք քրեական գործերով նախաքննությունը շարունակվում է:

Երեկ ԱԱԾ-ն հանդես եկավ նաև չորրորդ քրեական գործի մասին հայտարարությամբ, որը վերաբերում է արդեն 2017թ-ի Երևանի ավագանու ընտրություններում ԲՀԿ-ի կատարած ընտրախախտումներին:

Ով իր շահի մասին է մտածում, նա դավաճան է. Ծառուկյանը դուրս եկավ ԱԱԾ–ի շենքից

Լրահոս
0