Երևանում միայն 20 մանկապարտեզ կգործի. քաղաքապետարանի որոշումը

© Photo : provided by Yerevan MunicipalityВ детских садах Еревана проводят дезинфекцию (19 мая 2020). Еревaн
В детских садах Еревана проводят дезинфекцию (19 мая 2020). Еревaн - Sputnik Արմենիա
Բաժանորդագրվեք
Յուրաքանչյուր վարչական շրջանում կգործի միայն մեկ կամ երկու մանկապարտեզ, որտեղ կարող են հաճախել վարչական շրջանի մյուս բոլոր մանկապարտեզներ հաճախող երեխաները։

ԵՐԵՎԱՆ, 18 հունիսի – Sputnik. Երևանի քաղաքապետի մամուլի խոսնակ Հակոբ Կարապետյանը տեղեկացնում է, որ հունիսի 22-ից Երևանում կգործի միայն 20 մանկապարտեզ, իսկ մյուսների գործունեությունը ժամանակավոր կդադարեցվի։

В детских садах Еревана проводят дезинфекцию (19 мая 2020). Еревaн - Sputnik Արմենիա
Երևանում մանկապարտեզների աշխատանքը կրկին կարգելվի՞. քաղաքապետարանից դիմել են պարետին

«Երևանի քաղաքապետարանի և ՀՀ պարետատան քննարկումների արդյունքում որոշվել է հունիսի 22-ից ժամանակավորապես փակել համայնքային մանկապարտեզները։ Յուրաքանչյուր վարչական շրջանում կգործի միայն մեկ կամ երկու մանկապարտեզ, ուր կարող են հաճախել վարչական շրջանի մյուս բոլոր մանկապարտեզներ արդեն հաճախող երեխաները»,–Facebook սոցցանցի իր էջում գրել է Կարապետյանը։

Նա նաև հավելել է, որ ծնողները կարող են դիմել իրենց մանկապարտեզների տնօրեններին՝ հայտնելով երեխային մանկապարտեզ տանելու մտադրության մասին։ Տնօրենները վարչական շրջանի աշխատակազմերի հանրակրթության բաժինների հետ կկազմակերպվեն գործընթացը՝ երեխաներին բաշխելով ըստ մանկապարտեզների և խմբերի։

Ճշմարտությունը մանուկների շուրթերով. ինչ են պատմում Երևանի մանկապարտեզների փոքրիկները

Ի դեպ, հունիսի 22-ից բաց կլինեն Կենտրոնի թիվ 1, Արաբկիրի թիվ 25 և թիվ 31, Աջափնյակի թիվ 47 և թիվ 50, Ավանի թիվ 52, Դավթաշենի թիվ 60 և թիվ 62, Էրեբունու թիվ 64 և թիվ 66, Մալաթիա-Սեբաստիայի թիվ 91 և թիվ 96, Նոր Նորքի թիվ 100 և թիվ 114, Նորք-Մարաշի թիվ 122, Նուբարաշենի թիվ 125, Շենգավիթի թիվ 126 և թիվ 139, Քանաքեռ-Զեյթունի թիվ 162 և թիվ 157 մանկապարտեզները։

Հիշեցնենք, որ Երևանի փոխքաղաքապետ Տիգրան Վիրաբյանն ավելի վաղ հայտնել էր` հաշվի առնելով այն, որ վերաբացվելուց հետո համայնքային նախակրթարաններում հաճախելիությունը չափազանց ցածր է (6-7%), ինչպես նաև այն, որ մանկապարտեզների աշխատակազմերում կորոնավիրուսով վարակվածության դեպքերն ավելանում են, Երևանի համայնքային իշխանությունը դիմել է ՀՀ պարետին՝ մանկապարտեզների գործունեությունը հունիսի 20-ից ժամանակավորապես դադարեցրելու առաջարկով։

Գյումրիում ծնողները զգուշավոր են. քանի երեխա է հաճախում մանկապարտեզ և ինչ պայմաններով

Մինչև մայիսի 20-ը՝ մանկապարտեզների վերաբացման ամսաթիվը, հարցումների արդյունքում ակնկալվում էր, որ կլինի մինչև 30 տոկոս հաճախելիություն։ Սակայն վերաբացվելուց հետո առաջին օրերին հաճախելիությունը մոտ 10 տոկոս էր, որն այս շաբաթների ընթացքում գնալով նվազեց մինչև 6-7 տոկոս։

Երևանի մանկապարտեզներից մեկի աշխատակիցը վարակվել է կորոնավիրուսով

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала