ԵՐԵՎԱՆ, 25 հունիսի — Sputnik. ՌԴ նախագահ Վլադիմիր Պուտինը Եվգենի Պրիմակովին «Ռոսսոտրուդնիչեստվոյի» ղեկավար է նշանակել։
Հրամանագիրը հրապարակվել է իրավական տեղեկության առցանց հարթակում։
Պրիմակովը կփոխարինի Էլեոնորա Միտրոֆանովային, որը տեղափոխվել է ԱԳՆ։
«Ռոսսոտրուդնիչեստվոյի» նոր ղեկավարը Sputnik-ի հետ զրույցում նշել է, որ գործակալությանը մեծ փոփոխություններ են սպասում։
Ինչպես այն ժամանակ՝ 1945–ին էր․ ինչով էր հիշարժան 2020-ի Հաղթանակի շքերթը. լուսանկարներ
«Բոլորը գիտեն գործակալությունում առկա խնդիրների մասին` տարբեր պատճառներով ի հայտ եկած «բարդ» համբավ, արդյունավետության ու փափուկ ուժի վերաբերյալ գնահատականներ։ Ես համարձակվեցի ստանձնել այդ պաշտոնը, քանի որ գիտեմ՝ ինչ է պետք անել գործակալությունում։ Բնականաբար արդեն ծրագրեր ունեմ, ու դրանք քննարկվել են ղեկավարության հետ։ «Ռոսսոտրուդնիչեստվոյում» մեծ փոփոխություններ են սպասվում, բայց առայժմ պատրաստ չեմ բարձրաձայնել ծրագրերը»,- ասել է Պրիմակովը Sputnik-ի թղթակցի հետ զրույցում։
ԽՍՀՄ ժողովուրդը ծանր գին է վճարել Եվրոպայի ազատության համար․ Պուտին
Պրիմակովը ՌԴ նախկին վարչապետ, նախկին արտգործնախարար, դիվանագետ և արևելագետ-գիտնական Եվգենի Պրիմակովի թոռն է։ Նա լրագրող է աշխատել տարբեր լրատվամիջոցներում և հանդես է եկել «Եվգենի Սանդրո» կեղծանունով։
2018 թվականի սեպտեմբերին Պետդումայի պատգամավոր է ընտրվել, ընդգրկվել է «Եդինայա Ռոսիա» խմբակցությունում ու միջազգային գործերի կոմիտեի անդամ է դարձել։
Ռուս-հայկական հարաբերությունները երկու-երեք անձանց շրջանակից դուրս են. Մարկեդոնով
