Ղազախական վառելիքը կլուծի բենզինի շուկայի մենաշնորհային երևույթների խնդիրը

© Sputnik / Asatur YesayantsБензоколонка
Бензоколонка - Sputnik Արմենիա
Մինչ օրս ՌԴ-ից ներկրվող դիզվառելիքն ու բենզինը ևս ազատված են մաքսատուրքից, բայց Ղազախստանից ներկրման հնարավորությունը թույլ կտա հավասար պայմաններ ստեղծել նաև այդ երկրից ներկրողների համար:

ԵՐԵՎԱՆ, 2 հուլիսի - Sputnik. Ղազախստանից Հայաստան էժան վառելիք կառաքվի: Նման հնարավորություն է ընձեռվում Հայաստանի ու Ղազախստանի միջև ստորագրվող «Հայաստանի Հանրապետության կառավարության և Ղազախստանի Հանրապետության կառավարության միջև ՀՀ նավթամթերքի մատակարարումների բնագավառում առևտրատնտեսական համագործակցության մասին» համաձայնագրով, որով Հայաստանն ազատվում է ներմուծման մաքսատուրքից։

Биогазовая установка в селе Памбак, Гегаркуник - Sputnik Արմենիա
Կենսագազ Հայաստանում. ինչպես վառելիքով ապահովել մի ամբողջ գյուղ

ՀՀ կառավարության այսօրվա նիստում հարցի քննարկման ընթացքում ՀՀ փոխվարչապետ Տիգրան Ավինյանը նշեց, որ Ղազախստանից էժան վառելիքի ներկրման արդյունքում ՀՀ վառելիքի շուկայում մրցակցություն կստեղծվի, ինչը դրական կազդի նաև բենզինի շուկայի վրա:

«Որքան էլ, որ ասենք՝ 2018թ-ից հետո մենաշնորհային երևույթները ՀՀ վառելիքի շուկայում մեղմացել են, բայց դա չի նշանակում, որ վերացել են: Մեր սպառողների իրավունքների պաշտպանության ու մրցակցությունը խթանելու առումով մենք դեռ շատ անելիքներ ունենք»,- ասաց ՀՀ վարչապետ Նիկոլ Փաշինյանը:

Թունյանը որոշել է պարզել` բենզինի ամեն լիտրից քանի դրամ է գնում կոնկրետ անձանց գրպանը

ՏՄՊՊՀ նախագահ Գեղամ Գևորգյանն էլ շեշտեց, որ նախագիծը կարևոր է այնքանով, որ մինչ այսօր ՌԴ-ից ներկրվող նավթամթերքն, ու մասնավորապես բենզինը ևս ազատված են մաքսատուրքից, բայց Ղազախստանից ներկրման հնարավորությունը թույլ կտա հավասար պայմաններ ստեղծել նաև այդ երկրից բենզին ու դիզվառելիք ներկրողների համար:

«Այսինքն՝ մենք կդիվերսիֆիկացնենք մեր շուկան, կհայտնվեն նոր խաղացողներ»,- պարզաբանեց նա:

Հայաստանի բենզինն աշխարհի նավթի հետ կապ չունի՞. ինչու գնանկումն այստեղ չի հասնում

Նշենք, որ կառավարության հավանությանն արժանացած համաձայնագրով նախատեսվում է մինչև յուրաքանչյուր տարվա դեկտեմբերի 1-ը կազմել Ղազախստանի Հանրապետությունից Հայաստանի Հանրապետություն հաջորդ տարի առաքվող ապրանքների ցանկը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала