«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում

© Sputnik / Aram NersesyanСбор урожая абрикосов в селе Айгешат (29 июня 2020). Армавирская область
Сбор урожая абрикосов в селе Айгешат (29 июня 2020). Армавирская область - Sputnik Արմենիա
Sputnik Արմենիայի թղթակիցները մասնակցել են ծիրանի բերքահավաքինև պարզել «հայկական խնձորի» հավաքման և իրացման գաղտնիքները։

ԵՐԵՎԱՆ, 3 հուլիսի – Sputnik. Ֆերմեր Գևորգ Գրիգորյանը՝ Արմավիրի մարզի Այգեշատ գյուղից, գարնան սկզբից օրուգիշեր աշխատել է իր ոչ մեծ հողատարածքում, որտեղ 45 ծիրանենի կա․ խնամել է ծառերը, իսկ գիշեները ջրել է այգին։ Այգեշատում ոռոգման ջրի լուրջ խնդիր կա, և երբեմն Գևորգն անգամ ստիպված է եղել վիճել համագյուղացիների հետ։

© Sputnik / Aram NersesyanԾիրանի այգի Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի այգի Արմավիրի Այգեշատ գյուղում
Իսկ հիմա բերքահավաքի ժամանակն է։ Կիզիչ արևի տակ աշխատանքը եռում է։ Սանդուղքը ձեռքներին հասուն տղամարդիկ ու երիտասարդ տղաները պտտվում են ծառերի շուրջ, ճարպկորեն մի ճյուղից մյուսն են անցնում և պտուղները քաղում ու լցնում տաս լիտրանոց դույլերում, որոնք հատուկ կեռիկներով կախում են ճյուղերից։

«Եթե Գևորգը գարնանը ճյուղերը կտրեր, պտուղներն ավելի խոշոր կլինեին։ Բայց, փառք Աստծո, նրա բերքը շատ է։ Այ իմ այգու  ծիրանները խոշոր են, բայց այս տարվա բերքը շատ քիչ է»,-ասում է ֆերմերի ազգականը, որը հարևան հողամասի տերն է։

© Sputnik / Aram NersesyanԳևորգ Գրիգորյանը
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Գևորգ Գրիգորյանը
Գևորգի այգու բերքահավաքը կտևի 3-4 օր։ Եթե խումբը փորձառու լիներ, երկու օրում էլ գլուխ կբերեին, բայց աշխատում են դպրոցականներն ու խոպանչիների բրիգադը, որոնք այս տարի չեն կարողացել Ռուսաստան՝ արտագնա աշխատանքի մեկնել։ Նրանք գալիս են Շիրակի մարզից՝ առավոտյան ժամը վեցին և տուն են վերադառնում ուշ գիշերով։

Տգեղները կմնան տանը, սիրուններին կտանեն. կորոնավիրուսը, կարկուտն ու ծիրանի արտահանումը

Գևորգն ինքն էլ ոչ մի րոպե անգործ չի նստում։ Դույլն է մոտեցնում հավաքողներին, սանդուղքն է տեղաշարժում։ Ասում է՝ աշխատել սիրում է, բայց վատ մենեջեր կլիներ՝ շատ է խղճում բոլորին։ Աշխատողներն էլ ջանում են, որքան կարող են, բայց խոստովանում են՝ շինարարությունն ավելի լավ ու արագ է ստացվում։

© Sputnik / Aram NersesyanԾիրանի բերքահավաք Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի բերքահավաք Արմավիրի Այգեշատ գյուղում

«Բերքահավաքը նույնպես ձեռնտու է։ Գումար ծախսում ենք միայն ուտելիքի և գազի վրա, դա էլ բոլորով ենք հավաքում և ավելի էժան է ստացվում։ Բա ի՞նչ անենք։ Հո ձեռքներս ծալած չենք նստելու»,-ասում Աբո անունով աշխատակիցը և տանում է հերթական դույլը։

«Խոպանչիները» համակարգված են աշխատում։ Չորսը քաղում են ծիրանը, իսկ հինգերորդը՝ «բրիգադիրը», ինչպես նրան անվանում են, տանում-դատարկում է դույլը։ Գործի ընթացքում կատակում և անկեդոտներ են պատմում։ Իսկույն երևում է, որ պատրաստված են շոգին աշխատելու՝ յուրաքանչյուրի մոտ սառցաջրով շիշ ու լայնեզր գլխարկ կա։ Տղամարդիկ անկաշկանդ շփվում են մեզ հետ և թույլ են տալիս լուսանկարել իրենց։

© Sputnik / Aram NersesyanԾիրանի բերքահավաք Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի բերքահավաք Արմավիրի Այգեշատ գյուղում

Ի տարբերություն այս վարպետ բրիգադի, պատանիները պակաս համակարգված են աշխատում․ յուրաքանչյուրն ինքն է լցնում իր դույլը, իջնում է, դատարկում այն և նորից բարձրանում։ Տղաները թաքնվում են տեսախցիկից և հարցերին գրեթե չեն պատասխանում։

-Հենիխ Մխիթարյանի՞ն սիրում ես,–հարցնում եմ 15–ամյա մի պատանու։

-Չէ։

-Իսկ ինչո՞ւ ես նրա ազգանունով մարզաշապիկ հագել։

-Նկատեցի՞ք։ Չէ, ուղղակի ֆուտբոլ եմ սիրում։

-Իսկ ընկերուհի ունե՞ս։

-Չէ,-ակնհայտորեն խաբում է, և ընկերները սկսում են քրքջալ։

Մեր զրույցին հետևում են կանայք։ Նրանք նստած են ծառերի ստվերում, ծածկոցների շուրջ, որոնց վրա ծիրանների ամբողջ սար է։ Կանայք տեսակավորում են պտուղները, երեք շարքով դասավորում արկղերում՝ տակը ամենամանրերը, վերևում ամենախոշորներն ու հասունները։ Պարզվում է, որ դասավորելու մի քանի ձև կա՝ փախլավայաձև, անկյունագծով և անգամ սրտաձև։

© Sputnik / Aram NersesyanԾիրանի բերքահավաք Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի բերքահավաք Արմավիրի Այգեշատ գյուղում

Գլխավորը, որ արկղում փչացած մրգեր չհայտնվեն։ Կանայք գնորդ ընկերության աշխատակիցներն են։ Ընկերությունը բերքն ընդունում է մեկ կգ-ի դիմաց 200 դրամով։ Նրանք կարծում են, որ լավ գին է, ֆերմերը նույնպես չի բողոքում։ Աննան ու Վարդիթերը ցույց են տալիս, թե ինչպես է պետք ճիշտ շարել պտուղները և պատմում են, որ օրական 40-50 արկղ են լցնում։

«Առաջ արկղերի վրա մեր անուններն էին գրում, և արտահանումից հետո Ռուսաստանի տարբեր քաղաքներից մեզ շնորհակալական նամակներ էին գալիս՝ սիրուն դասավորված ու համեղ ծիրանների համար։ Հաճելի էր»,-պատմում է Վարդիթերը։

© Sputnik / Aram NersesyanԾիրանի բերքահավաք Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի բերքահավաք Արմավիրի Այգեշատ գյուղում

Նա փոխում է աշխատանքը՝ մի օր բերքահավաքով է զբաղվում, հաջորդ օրը՝ տեսակավորմամբ։ Հակառակ դեպքում մեջքը կցավի։ Երկար նստելը տհաճ է, հատկապես շոգին։ Վարդիթերի երեխաները նույնպես մասնակցում են բերքահավաքին։ Նա համոզված է, որ եթե գյուղացիները վարկեր չունենային, ապա մի սեզոն աշխատանքի ընթացքում հնարավոր կլիներ արժանավայել վաստակել և անգամ մի քիչ փող պահել սև օրվա համար։

-Ինչո՞ւ ծիրան չես ուտում,-հարցնում է մյուս աշխատակցուհին՝ Աննան։

-Չեմ սիրում ծիրան։

-Ո՞նց թե՝ հայ աղջիկը ծիրան չի սիրում։ Մի հատ արագ այ էս հասածը կեր,-ինձ է մեկնում միրգը։

© Sputnik / Aram NersesyanԾիրանի բերքահավաք Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի բերքահավաք Արմավիրի Այգեշատ գյուղում

Ստիպված ուտում եմ։ Հանկարծ պատանիները ծառերից իջնում ու մոտենում են նոր ժամանած բեռնատարին։ Գնորդն է։ Օրը մի քանի անգամ բեռնատարով գալիս է և մրգերը տեղափոխում սառցապահեստ, որպեսզի արևի տակ չփչանան։ Տղամարդիկ սկսում են տանել արկղերը։ Նախ կշռում են, ապա տեղադրում մեքենայի մեջ։ Բեռնատարը հեռանում է, և բոլորը վերադառնում են իրենց գործին։

© Sputnik / Aram NersesyanԾիրանի բերքահավաք Արմավիրի Այգեշատ գյուղում
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում - Sputnik Արմենիա
Ծիրանի բերքահավաք Արմավիրի Այգեշատ գյուղում

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала