Ժամանակն է, որ իրականություն դարձնենք ԱՄՆ–ի հույսերը. Քիմի ամուսինը ձեռնոց կնետի Թրամփին

© AFP 2022 / ANGELA WEISSКим Кардашьян и Канье Уэст на MTV Video Music Awards (28 августа 2016). Нью Йорк, США
Ким Кардашьян и Канье Уэст на MTV Video Music Awards (28 августа 2016). Нью Йорк, США - Sputnik Արմենիա
Բաժանորդագրվեք
Yandex newsTelegram
Քիմ Քարդաշյանի ամուսինը հայտարարել է, որ պատրաստվում է մասնակցել նախագահի պաշտոնի համար մրցապայքարին։

ԵՐԵՎԱՆ, 5 հուլիսի - Sputnik. Ամերիկահայ հեռուստաաստղ Քիմ Քարդաշյանի ամուսինը՝ ռեփեր Քանյե Ուեսթը հայտարարել է, որ մտադրություն ունի մասնակցելու ԱՄՆ նախագահի ընտրություններին՝ առաջադրելով իր թեկնածությունը։ Նախագահ դառնալու ծրագրերի մասին նա հայտարարել է Twitter-ի իր էջում։

«Ժամանակն է, որ մենք իրականություն դարձնենք Ամերիկայի հույսերը՝ հավատալով Աստծուն, միավորելով մեր տեսլականն ու կառուցելով մեր ապագան։ Ես առաջադրվում եմ ԱՄՆ նախագահի ընտրություններում»,- գրել է Ուեսթը։

Ուեսթի գրառման մեկնաբանություններում նրան քաջալերել և իր աջակցություն է հայտնել Tesla և SpaseX ընկերությունների հիմնադիր Իլոն Մասկը։

«Ես անվերապահորեն աջակցում եմ քեզ»,- Twitter-ում գրել է Մասկը։

​Նշենք, որ Քանյե Ուեսթն իր գրառման մեջ հստակ չի նշել, թե որերորդ ընտրություններում է պատրաստվում պայքարել նախագահի պաշտոնի համար։ Սակայն նա օգտագործել է #2020VISION (#Տեսլական2020) հեշթեգը, ինչը հուշում է, որ խոսքը հենց այս տարի աշնանը կայանալիք ԱՄՆ նախագահական ընտրությունների մասին է։

Блогер Nas о природном феномене в Армении - Sputnik Արմենիա
Ինչպես է հայկական ջուրը գերել Դարեն Արոնոֆսկուն, Քանյե Ուեսթին, Քարդաշյանին և այլ աստղերի

Հիշեցնենք, որ Քանյե Ուեսթն առաջին անգամը չէ, որ նման հայտարարություն է անում։ Ավելի վաղ նա նաև հայտարարել էր, թե պատրաստվում է առաջադրել իր թեկնածությունը 2024 թվականին կայանալիք ընտրություններում։ Նախկինում նա Թրամփի աջակիցներից էր, մի քանի անգամ անձամբ է հանդիպել նրա հետ։ Հետագայում ռեփերը հայտարարել էր, թե իրեն «օգտագործել են» քաղաքական նպատակներով։

Հավելենք նաև, որ Քանյե Ուեսթին պատկանող «Yeezy Mafia» ապրանքանիշն «Արարատ» անվանումով կոշիկ է արտադրել։ «Արարատ» սպորտային կոշիկը սպիտակ է և, չնայած տարօրինակ դիզայնին, ըստ տեղեկությունների` ընդամենը 20 ժամում առաջին խմբաքանակն ամբողջությամբ վաճառվել էր։

«Բոլորը դեմ էին, բայց ինձ համար միևնույն էր». ինչպես է Ուեսթը սիրահարվել Քիմին

Լրահոս
0