Փաշինյանը հրապարակել է սահմանամերձ Մովսես գյուղ տանող ճանապարհին նկարահանված տեսանյութը

© Sputnik / Asatur YesayantsПресс-конференция и.о. премьер-министра Армении Никола Пашиняна (20 ноября 2018). Еревaн
Пресс-конференция и.о. премьер-министра Армении Никола Пашиняна (20 ноября 2018). Еревaн - Sputnik Արմենիա
Պատգամավոր Սիփան Փաշինյանն էլ վստահեցնում է, որ մեր զինված ուժերն ամբողջությամբ վերահսկում են իրավիճակը:

ԵՐԵՎԱՆ, 13 հուլիսի – Sputnik. ՀՀ վարչապետ Նիկոլ Փաշինյանը Facebook-ի իր էջում հրապարակել է «Իմ քայլը» խորհրդարանական խմբակցության պատգամավոր Սիփան Փաշինյանի նկարահանած տեսանյութը Տավուշի մարզից:

«Կառուցենք Հայաստանը նորովի: Ամրացնենք Հայաստանը նորովի»,- գրել է վարչապետը:

Սիփան Փաշինյանի գրառումից էլ պարզ է դառնում, որ երեկ գիշերը նա այցելել է սահմանամերձ Մովսես գյուղ ու ճանապարհին նկարահանել Սահման տանող նորակառույց ավտոճանապարհը:

«Կրակոցների ձայների ներքո Մովսեսում գյուղացիների և գյուղապետի հետ քննարկում էինք իրենց իսկ բարձրացրած ոռոգման խնդիրների հնարավոր լուծումները: Այս ազգին հաղթել չի լինի»,- գրել է պատգամավորը:

Նա նաև հավելել է, որ ճանապարհի խնդիրը լուծված է, ու ոռոգման խնդիրը նույնպես պետք է լուծենք:

«Մեր զինված ուժերը վերահսկում են իրավիճակը ամբողջությամբ, հետևեք միայն պաշտոնական հաղորդագրություններին»,- նշել է Սիփան Փաշինյանը:

 Генеральный секретарь ОДКБ Станислав Зась на встрече с министром иностранных дел Армении Зограбом Мнацаканяном (28 февраля 2020). Еревaн - Sputnik Արմենիա
Մնացականյանը սահմանային իրավիճակի հետ կապված զանգել է ՀԱՊԿ գլխավոր քարտուղարին

Տավուշի պատգամավորը նաև հիշեցրել է, որ իր նկարահանած ճանապարհը նախկինում երբեք ասֆալտապատված չի եղել:

Հիշեցնենք`երեկ` հուլիսի 12–ին, ժամը 12:30-ի սահմաններում Ադրբեջանի զինված ուժերի զինծառայողները «ՈւԱԶ» մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք: Ժամը 13:45-ին ադրբեջանական կողմը կրկնել է հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել է հայկական կողմից և հետ շպրտվել`կորուստներ տալով:

Ադրբեջանական ԶՈՒ–ն կրակում է խաղաղ բնակավայրերի հարևանությամբ. ՄԻՊ–ն ահազանգում է

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Տոնոյանը զգուշացրել է` ինչ կլինի, եթե հակառակորդը չդադարեցնի կրակը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала