Հայաստանում Ֆրանսիայի դեսպանն անակնկալ է մատուցել «Սուրբ Գրիգոր Լուսավորիչ» ԲԿ-ին

© Facebook / Surb Grigor Lusavorich Medical Center/Սուրբ Գրիգոր Լուսավորիչ ԲԿПосол Франции Джонатан Лакотт вручил подарки медцентру "Сурб Григор Лусаворич" (14 июля 2020). Еревaн
Посол Франции Джонатан Лакотт вручил подарки медцентру Сурб Григор Лусаворич (14 июля 2020). Еревaн - Sputnik Արմենիա
Բաժանորդագրվեք
НовостиTelegram
Հայաստանում Ֆրանսիայի դեսպանատան և «Սուրբ Գրիգոր Լուսավորիչ» բժշկական կենտրոնի միջև համագործակցությունն ավելի է ամրապնդվում։

Երևան, 13 Հուլիսի -Sputnik. Հայաստանում Ֆրանսիայի դեսպան Ջոնաթան Լաքոթը Երևանի «Սուրբ Գրիգոր Լուսավորիչ» բժշկական կենտրոնի աշխատակիցներին է փոխանցել Ֆրանսիայի Ազգային տոնի՝ Բաստիլի գրավման օրվա առթիվ շեֆ-խոհարարի պատրաստած քաղցրավենիքը: Տեղեկությունը հայտնում է բժշկական կենտրոնի Facebook-յան էջը ։

«Շնորհակալություն, Ֆրանսիա։ Շնորհավոր ազգային տոնդ: Նշենք, որ Ֆրանսիայի և «Սուրբ Գրիգոր Լուսավորիչ» բժշկական կենտրոնի գործընկերությունն ու բարեկամությունն էլ ավելի են ամրապնդվել ֆրանսիացի բժիշկների այցի շնորհիվ»,- նշված է բժշկական կենտրոնի տարածած հաղորդագրության մեջ:

Դեսպանի անունից նվերը բժշկական անձնակազմին է հանձնել դեսպանության կցորդ Առնո Շաֆանժը:

Նշենք, որ հունիսի 15-ին և 24-ին ֆրանսիացի բժիշկների երկու խումբ ժամանել է Հայաստան՝ կորոնավիրուսի դեմ պայքարի շրջանակում: Առաջին խումբը գլխավորում էր բժիշկ Ալեքսանդր Մինյոնը, իսկ երկրորդը՝ Լորան Փափազյանը։

Հուլիսի 14-ի դրությամբ Հայաստանում կորոնավիրուսով հաստատված դեպքերի թիվը հասել է 32 490-ի։ Վերջին մեկ օրում հայտնաբերվել է վարակի 339 նոր դեպք։ Կորոնավիրուսից մահացել են 581 քաղաքացի։ Բուժվածների թիվը կազմում է 20 729։ Ներկայումս բուժում է ստանում 10996 մարդ։ 

Նշենք, որ արտակարգ դրության ռեժիմը Հայաստանում երկարաձգվել է մինչեւ օգոստոսի 12-ը: Այդ ընթացքում արգելված են հավաքներն ու հանրահավաքները։ Ներդրվել է պարտադիր դիմային ռեժիմ։

Լրահոս
0