ԱԱԾ–ն ՌԴ քաղաքացի հային բռնել է առաքանիով ստացած թմրանյութը ձեռքին

© Photo : press office of the SNN of RAСлужба национальной безопасности
Служба национальной безопасности - Sputnik Արմենիա
Մեղադրյալի բնակարանի խուզարկությամբ հայտնաբերվել է սինթետիկ կանաբինոիդների դասին պատկանող թմրամիջոցներ պատրաստելու համար նախատեսված քիմիական հումք, չափաբաժիններով առանձնացված փաթեթներ, էլեկտրոնային կշեռք, որոնք առերևույթ վկայում են դրանց իրացման նպատակով պահելու մասին:

ԵՐԵՎԱՆ, 15 հուլիսի – Sputnik․ ՀՀ ԱԱԾ–ն բացահայտել է առանձնապես խոշոր չափերի թմրամիջոցների, հոգեմետ նյութերի ապօրինի շրջանառության և մաքսանենգության դեպքեր։ Տեղեկությունը հայտնում է ԱԱԾ մամուլի ծառայությունը։

«Ստացված օպերատիվ տվյալների իրացման արդյունքում պարզվել է, որ ազգությամբ հայ, ՌԴ քաղաքացի Վ. Կ.-ն, ՀՀ տարածքում «MDMB-2201» կրճատ անվամբ թմրամիջոց կրող բուսական զանգվածի՝ թմրամիջոցի իրացման հանցավոր մտադրությունն իրականացնելու նպատակով ձեռնամուխ է եղել մաքսանենգությամբ նշված թմրամիջոցը կրող խոշոր չափերով բուսական զանգվածի՝ արտերկրից ՀՀ տեղափոխելու կազմակերպմանը և ղեկավարմանը»,–ասվում է ԱԱԾ հաղորդագրության մեջ:

Հիշյալ մաքսանենգությունը կազմակերպելու նպատակով Վ. Կ.-ն համացանցի միջոցով ծանոթացել է արտերկրում բնակվող` քննությամբ դեռևս ինքնությունը չպարզված անձի հետ, վճարել նրան ու փոստային առաքանիով ստացել «MDMB-2201» կրճատ անվամբ 5,34 գրամ հաստատուն չոր քաշով բուսական մանրացված զանգված՝ թմրամիջոց: 

Колючая проволока на ограждении следственного изолятора Лефортово - Sputnik Արմենիա
«Լիրիկա» էր բերել կալանավորին. պլաստմասսե բաժակներով թմրամիջոցի փոխանցման փորձը կանխվել է

Հուլիսի 8-ին այցելել է փոստային բաժանմունք, ստացել է առաքանին, սակայն վրա են հասել Ազգային անվտանգության աշխատակիցները, և նա չի կարողացել իրացնել ապրանքը։

Դեպքի առթիվ ՀՀ ԱԱԾ քննչական դեպարտամենտում հուլիսի 7–ին հարուցվել է քրեական գործ, կատարվում է նախաքննություն:

Վ.Կ-ն ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 38-267.1-րդ հոդվածի (Մաքսանենգություն) 3-րդ մասի 1-ին կետով, 34-266-րդ հոդվածի (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) 2-րդ մասի 2-րդ կետով, որպես խափանման միջոց է կիրառվել կալանավորումը:

55 կիլոգրամ թմրանյութ. Ռուսաստանի ԱԴԾ-ն առաքիչների է ձերբակալել

Մեղադրյալի բնակարանի խուզարկությամբ հայտնաբերվել է սինթետիկ կանաբինոիդների դասին պատկանող թմրամիջոցներ պատրաստելու համար նախատեսված քիմիական հումքը՝ թմրամիջոցը, բուսական ծագման զանգվածը (շուրջ 72 գրամ), ինչպես նաև արդեն իսկ չափաբաժիններով առանձնացված փաթեթներ, էլեկտրոնային կշեռք, որոնք առերևույթ վկայում են դրանց իրացման նպատակով պահելու մասին:

Полицейские проверяют документы у водителей и пассажиров автомобилей, въезжающих в столицу (2 апреля 2020). Еревaн - Sputnik Արմենիա
ՃՈ տեսուչը թմրամիջոց է օգտագործել. նրան ազատել են աշխատանքից

Նախաքննությունը շարունակվում է, ձեռնարկվում են ակտիվ միջոցառումներ՝ մաքսանենգությամբ թմրամիջոցների ապօրինի շրջանառության դեպքերին առնչված անձանց ամբողջական շրջանակը պարզելու, ինչպես նաև ՀՀ պետական սահմանով թմրամիջոցների, հոգեմետ նյութերի կամ դրանց պրեկուրսորների ներթափանցումը խափանելու, կանխելու և չեզոքացնելու ուղղությամբ:

Ազգային անվտանգության ծառայությունը ևս մեկ անգամ հիշեցնում է, որ թմրամիջոցներ, հոգեմետ նյութեր ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը, ինչպես նաև դրանց պրեկուրսորների մաքսանենգությունը դասվում են ծանր հանցագործությունների շարքին:

ՌԴ քաղաքացին Երևան-Մոսկվա չվերթով փորձել է թմրանյութ տեղափոխել. նրան կալանավորել են

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала