Մեկ շաբաթից պետք է զորացրվեր․ մանրամասներ Տավուշում զոհված Գրիշա Մաթևոսյանի մասին

© Sputnik / Aram NersesyanАрмянский военнослужащий на боевой позиции
Армянский военнослужащий на боевой позиции - Sputnik Արմենիա
Գրիշան սպորտով էր զբաղվում, ֆուտբոլիստ էր, սովորում էր ԵՊՏՀ–ի մարքեթինգի բաժնում։ Պետք է զորացրվեր հուլիսի 22-ին։

ԵՐԵՎԱՆ, 15 հուլիսի – Sputnik. Կրտսեր սերժանտ, ժամկետային զինծառայող Գրիշա Մաթևոսյանը, որը զոհվել է Ադրբեջանի զինված ուժերի սկսած հրաձգության ընթացքում, ծնունդով Սյունիքի մարզի Սիսիան համայնքից էր։ Սիսիան համայնքի ղեկավար Արթուր Սարգսյանի մամուլի քարտուղար Անի Սիմոնյանը Sputnik Արմենիայի թղթակցի հետ զրույցում պատմեց, որ երիտասարդը պետք է զորացրվեր մոտ մեկ շաբաթ հետո։

«8 օրից պետք է զորացրվեր։ Սարսափելի ողբերգություն է, խոսք չկա։ Այնքան հետաքրքրություններ ուներ կյանքում, ֆուտբոլիստ էր, շատ ընկերներ ուներ․․․ Չհասցրեց լրացնել իր կենսագրությունը․․․»,-ասաց Սիմոնյանը։

Գրիշան 20 տարեկան էր։ Նրա հայրը՝ Վահանը, անհատ ձեռներեց է, մայրը՝ Արմինեն, տեղի դպրոցներից մեկում անգլերենի ուսուցչուհի։ Գրիշան 18-ամյա եղբայր ունի, որը շուտով կզորակոչվի բանակ։ Գրիշային անվանակոչել են պապի պատվին, որը նույնպես նրանց հետ է ապրում։

Армянские военнослужащие на практических занятиях по боевой подготовке - Sputnik Արմենիա
Սմբատ Գաբրիելյանը 1․5 տարվա զինծառայող էր․ զոհվածի հայրն ու եղբայրը զինվորական են

«2017թ․-ին նա ընդունվեց ԵՊՏՀ-ի մարքեթինգի և բիզնեսի կազմակերպման ֆակուլտետ։ Իսկ 2018թ․-ի ամռանը զորակոչվեց բանակ»,-պատմեց Սիսիանի ղեկավարի մամուլի քարտուղարը։

Սիսիանի ավագ դպրոցի (որն ավարտել է Գրիշան) ֆեյսբուքյան էջում նրա մասին սրտառուչ գրառում են արել։

«Գրիշան մեր բոլորի հուշերում կմնա որպես կենսուրախ, խելացի և պայծառ երիտասարդ։ Դեռ ինչքան երազանքներ ուներ, որ անկատար մնացին...

Նա ընկավ հանուն հայրենիքի և բռնեց հավերժության ճանապարհը։

Տավուշում զոհված 4 զինծառայողները հետմահու պարգևատրվել են արիության, նվիրումի համար

Ննջիր խաղաղությամբ, սիրելի Գրիշա, քո անունը հավերժ կմնա մեր սրտերում»,-նշված է գրառման մեջ։

Կրտսեր սերժանտներ Գրիշա Մաթևոսյանը և Սմբատ Գաբրիելյանը զոհվել են հակառակորդի կրակից հուլիսի 14-ին, հայ-ադրբեջանական սահմանին` Տավուշի մարզում։ Նույն օրը, ավելի վաղ, Ադրբեջանի կողմից սկսված հրաձգության պատճառով զոհվել են մայոր Գարուշ Համբարձումյանը և կապիտան Սոս Էլբակյանը։

Премьер-министр Армении Никол Пашинян во время заседания ОДКБ (28 ноября 2019). Бишкек - Sputnik Արմենիա
Տավուշում զոհված զինծառայողները հետմահու կպարգևատրվեն. Փաշինյանը դիմել է նախագահին

Sputnik Արմենիայի խմբագրությունը ցավակցություն է հայտնում զոհվածների ընտանիքներին, հարազատներին և մտերիմներին։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմանում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

ՀՀ զինված ուժերի կողմից խոցված Elbit Hermes 900 ԱԹՍ-ն 30 մլն ԱՄՆ դոլար արժեր

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Դրանից հետո ադրբեջանական ԶՈՒ-ն պարբերաբար կրակ է արձակում ինչպես հայ դիրքապահների, այնպես էլ գյուղերի ուղղությամբ։

Հայկական կողմն ունի 4 զոհ և 10 վիրավոր։

Երեկ` հուլիսի 14-ին, հակառակորդի կրակոցների հետևանքով զոհվել էին զինծառայողներ Սմբատ Գաբրիելյանը, Գրիշա Մաթևոսյանը, Սոս Էլբակյանը և Գարուշ Համբարձումյանը։ ՀՀ նախագահ Արմեն Սարգսյանի հրամանագրով` նրանք հետմահու պարգևատրվել են։

Ադրբեջանը պաշտոնապես հայտարարել է 11 զոհի մասին, նրանց թվում է գեներալ-մայոր Փոլադ Հաշիմովը։

Եվս երկու զոհ ունենք. ՊՆ–ն հրապարակել է նրանց անունները

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала